Куплагы
Куплагы тенгеок Вӹдлагы (латинлӓ Cinclus cinclus; алыкмарла куплого, вӱдлого, вӱдсарси) — куплагы йишвлӓн йыхыш пырышы Европышты дӓ Азиштӹ вӓшлиӓлтшӹ, тупӹрдӹдӹмӹ качшы, ош логерӓн, мырышы вӹд кек.
Куплагывлӓ, шӹнгӹртӹш гӹц изирӓк ылыт. Кытшы 17–20 см, озыжын шылдыржы 9,2–10,1, ӓвӓжӹн шылдыржы 8,2–9,1 см, шылдыр шӓрӓлтӹмӹжӹ 25–30 см, нелӹцшӹ 50–85 г якте шоэш.
Норвегин национальный кекешӹштӹ шотлалтеш.
Лӹвӓл йишвлӓ[тӧрлӓтӓш | кодым тӧрлӓш]
- Cinclus cinclus cinclus — Скандинави, вадывел Франци, йыд-вадывел Испани, Корсика дӓ Сардиништӹ ӹлӓ.
- Cinclus cinclus gularis — Англи, Уэльс дӓ Шотландиштӹ ӹлӓ.
- Cinclus cinclus hibernicus — Ирланди дӓ вадывел Шотланди дон Гебрид ошмаотывлӓштӹ ӹлӓ.
- Cinclus cinclus aquaticus — покшал дӓ кечӹвӓл Европа, Бельги, ирвел Франци дӓ Испани гӹц Греци, Польша дӓ Сицили якте ӹлӓ.
- Cinclus cinclus minor — Алжир, Тунис дӓ Марокко.
- Cinclus cinclus caucasicus — Кавказ кырыквлӓ гӹц Иран, Ирак дӓ Турци якте ӹлӓ. Телӹм Афганистан дӓ Пакистанышты эртӓрӓ.
- Cinclus cinclus persicus — кечӹвӓл-вадывел Иранышты ӹлӓ.
- Cinclus cinclus rufivrentris — Ливанышты ӹлӓ.
- Cinclus cinclus olympicus — Кипрӹштӹ ӹлӓ.
- Cinclus cinclus uralensis — Урал кырыквлӓштӹ ӹлӓ.
- Cinclus cinclus leucogaster — йыдпел Афганистан, покшал Ази гӹц ирвел Сибирь якте ӹлӓ.
- Cinclus cinclus cashmeriensis — вадывел Кашмир гӹц Сикким якте Гималаи кырыквлӓштӹ ӹлӓ.
- Cinclus cinclus przewalskii — кечӹвӓл Тибет дӓ вадывел Китайышты ӹлӓ.
- Cinclus cinclus baicalensis — деталь уке.