Владимир Сузы

Ирӹкӓн энциклопеди Википеди гӹц материал
Перейти к навигации Перейти к поиску
Владимир Сузы
Тыршымаш алан:

журналист, публицист, сирӹзӹ, переводчик и редактор

Шочын:

1913 ин 15 июньын(1913-06-15)

Шочмо вер:

Сарапай, Эмӓн вел солавлӓ[d], Кырык мары кымдем, Марийская АССР[d], РСФСР[d]

Колен:

1973 ин 16 апрельын(1973-04-16)[1] (59 и)

Колымо вер:

Цикмӓ, Марийская АССР[d], РСФСР[d], СССР[d]

Владимир Сузы (Владимир Павлович Семёнов) 1913 ин Кырык Мары район Сарапай сола незер хресань семняэш шачын. Изижы годымок атяжӹ гӹц тылык кодын, ӹлӹмашӹжӹ нелӹ ылын. Тӹдӹ кӹтомат кӹтен, кӹченат каштын. Но тылык ӹрвезӹлан Советский кӹл, у ӹлӹмаш палшен.

1927 ин В. Сузы кырыкКырык мары педтехникумыш тыменяш пыра да 1930 ин Цикм ӓ педтехникумым тымень пӹтара. Тыменьмӹ годым шайыштмашвлам сираш тӹнгалеш, Кӹтозӹ дон Вараш атя пӹтариш шайыштмашвлажӹм тӹдӹ 1929 ин сирен.

Владимир Павловичын пӹтариш шайыштмашвлаштыжок из годшы ӹлӹмашӹжӹм яргатан анжыктымы.

Педтехникум паштек тӹдӹ редакци дон издательствышты пашам ӹштен. Сирӹмӹ пашавлажӹм Кыралшы (кӹзӹт Жерӓ газетеш) да У сем журналеш пецӓтлен.

1934 до 1936 ивлӓн В. Сузын шайыштмашвлажӹн погемиквла, 1937 ин Таган Стьопан повестьшӹ Москвашты лӓктӹнӹт. 1936 ин Мӓ пеледӹнӓ альманахеш Салтак мыры поэмыжы пецӓтлӓлтӹн.

1941 ин 22 июньын вырсы тӹнгӓлмӹ паштек, Владимир Павлович йӹлеок тӹшкы кен колтен. Вырсы паштек капитан звани доно, орден дон медальвлӓм пижӹктен, арми гыц сӓрнен толын.

1957 ин Ылӹмӓш корны погемикшы лактӹн. Вӓкш янгышта шайыштмашыжым, векӓт, мары халык лошты пӓлӹдӹмӹжӹ иктӓт уке: тӹдӹм 7-шы классаш учебникӹш пыртымы.1965 ин «Ылымӓш тымда» погемикшӹ пецатлалт лактӹн.

В. Сузы лач ик «Вакш янгышта» шайыштмашыжым, иктӹм веле сирен гӹнят, Мары литературын историшкӹжӹ пыра ылын» - манеш Н. П. Егоров.

Владимир Павлович учебниквлам лыкмы шотышты шукы пашам ӹштен. Пӹтартӹш жепӹн тыды ясыланен, но тидӹм иктӹланат палдӹртӹде, седок Ленин корны газет редакциштӹ пашален. В. Сузы, 60 ижӹ яктеат кым тӹлзӹм ӹлен шоктыде, 1973 ин 16 апрельын трукок колен. Тӹдӹн сирен кодымы повесть дон шайыштмашвлажы ма паштекнаат ӹлаш тӹнгалӹт.

В. П. Сузы эче шукы сирен кердеш ыльы. Тенге гӹнят Сарапай сола лымлы марына тулетан пашам ӹштен коден, самырык сирышӹвламат творчество корнышкы лыктын, виктарен. Ныны логӹц кыдыжы ош светӹштӹ укеат ылыт, а ашӹндарӹмашвлаштӹ кодыныт.

Сирӹзӹвлӓ икӹжӓк – иктӹштӹм паленыт, а В. Сузым 50-60-70 ивлӓн ышке тымдышешышты шотленыт, седындон яжо ашындарымашвлӓ веле В. Сузы гишӓн кодыныт.

  1. http://marihistory.ru/index.php/2011-01-01-19-53-52/3585-2014-04-13-10-18-43