Алавирӹк

Алавирӹк (латинлӓ Fringilla montifringilla) — тьыри ганьӹрак изи мырышы кек. Телӹм озы алавирӹкӹн вуйжы, шӱжӹ дӓ анзыл тупшы кӹрӓникӓ -лудалгы цӹреӓн. Онгжы соок нарынзы. Пач мычашышты ош пынан. Ӓвӓ алавирӹкӹн цӹрежӹ яргата агыл. Вуйышты кӹрӓникӓ, сек мычашыштыжок шимӓкӓ корнывлӓ. Тупшат кӹрӓн. Онгжы нарынзы, но озын гӹц цӹредӹмӹрӓк. Пӹшӓшӹжӹм Скандинави гӹц тӹнгӓлӹн, Сибирь якте опта, тел гачеш Вадывел Европыш дӓ эче шокшырак вӓрвлӓш: Турциш, Ираныш, Китайыш дӓ Корей дон Япониш кеӓ.