Ӓнис

Ирӹкӓн энциклопеди Википеди гӹц материал
Перейти к навигации Перейти к поиску
Ӓнис. Flora von Deutschland, Österreich und der Schweiz 1885

Ӓнис (латинлӓ Anethum graveolens) — Мары Элышты яжон пӓлӹмӹ кавштавичӹштӹш шуды йиш кушкыш. Ти икиӓш шуды лӓктӹнжок Ази гӹц ылеш, мӱлӓндӹ вӹлнӹ шукы вӓрӹшток пӓлӹмӹ, кыды вӓреже самеш веле шотлалтеш, шамаклан Мӱлӓндӹлоштыш тангыж сӓндӓлыквлӓштӹ. Тӹштӹ утла шокшат, ӓнис Мары Элыштыш гань тотлы ароматан агыл. Ӓнисӹм качкышышты кырык марынвлӓ гӹц пасна Руш Элышты вес вӓрвлӓштӓт пӓлат, тенгеок тӹдӹм Скандинави, Балти сӓндӓлыквлӓштӹ дӓ Польшышты качкышым йӓмдӹлӹмӹ годым кычылтыт. Индиштӓт ӓнисӹм кычылтыт. Ӓнисӹн ыжар ӹлӹштӓшвлӓжӹм салатвлӓш, лемвлӓш пиштӓт дӓ кӧргӹштӹжӹ эфирӓн ӱвлӓ улат, тотлы дӓ йонгата тотым пуа. Ти шудым тенгеок медицинӹшты ладнангдарышы препаратвлӓштӹ кычылтыт.