Ядарова, Валентина Егоровна

Ирӹкӓн энциклопеди Википеди гӹц материал
Перейти к навигации Перейти к поиску
Валентина Егоровна Ядарова
Тыршымаш алан:

музыкант, учитель и композитор

Шочын:

1951 ин 9 февральын(1951-02-09) (68 и)

Шочмо вер:

Микрäк, Микрӓк вел солавлӓ, Кырык мары кымдем, Марийская АССР[d], Российская Советская Федеративная Социалистическая Республика[d], СССР[d]

Валентина Егоровна Ядарова — 1951 ин 9 февральын Микрӓк солаэш шачын. 1971 ин Йошкар-Олаштышы Палантай лымеш музыкальный училищым тымень пытарен да 35 и Виловат искусство школышты тетявлам карш доно шакташ тымда. Ышкежы каршым шакташ изинекок тыменяш тынгалын, Микрак музыкальный школышты Ягельдина Тамара Андреевна доны палымашым налын.

Валентина Егоровна ышан-шотан, тергышы да тетявлам яратышы тымдышы. 35 и лошты тыды шукы ыдырым карш шакташ тымден шоктен. Ик гана веле агыл ныны республикыштына эртаралтшы конкурсвлашты участвуеныт. 1989 ин — 3 варым, 1994 ин — 3 варым, 1996 ин — 2 варым, 2002 ин — 3 варым налыныт, а 2005 ин нынылан Дипломым пуэныт.

Валентина Егоровна музыкым ярата, тыды Виловат солан мырышы да куштышы халык ансамбльын участникшы ылеш. Тыды шотеш пиштымы, самырык тымдышывлалан палшен шалгышы эдем ылеш.

4. Иктешлымаш. Халыкна мастар каршызывла доно паян ылеш. Нынын мастарлыкышты ылалшы гыц самырыклан курым вашток ванжен миа да царныде шолын лакшы выдла тьырге йога.

Лачокат, карш — мары халыкын сек когон яратымы семым шактымы хадыржы ылеш…. Каршын сылны семжым йонгалтарыде, ик концертат Кырык сирыштына ак эрты. И йыдеок эртаралтшы Пеледыш айоштат, мыры конкурсвлаштат каршын сылны семвлажым колаш лиэш.

Карш доно шактымы марла семвла вес сандалыквлаштат икана агыл йонгалтыныт. «Мари памаш» ансамбльын каршызывлажы Голландишты, Чехословакишты, Венгришты, Югославишты, Австришты каршым шактен халыкым сусуэмденыт.

Тек анзыкылажымат каршын тянгыра юкшы сирыпын улы кымдем мыч рышкалтеш, у мастарвла тек кушкыт да шачмы варнам лымлештарат!

 Ынян доно шумемжы темын:
 Ма яжо, сылны — ак мондалт!
 Шакталты, каршна, ныжга семым
 Да угыц йырым-ваш йонгалт!
 (А.Макееев)

Мыры «Карш».
Шамакшы Г.Микайын, семжы Палантайын.