Эмӓн

Эмӓн. Сола Кырык сирӹштӹ.

Вӓрлӓнӹмӓш, ӹлӹзӹ шот

Эмӓнсола — Эмӓн сола поселенин центыржы ылеш, кышкы 3 кого дӓ 16 изи солавлӓ пырат. Районын центыржы Цикмӓ хала, тӹдӹн дорцын 33 уштышышты сола вӓрлӓна. Эмӓнсола шамак кок компонент гӹц шалга "Эмӓн" / "Эмӓш" писатель лӹм доно кӹлдӓлтеш дӓ "сола" шамак гӹц. XVI-XVIII курымын "Эмешев" дӓ "Кокшы Эмешев" лӹмвлӓ дон ӓшӹндӓрӓлтеш. Пӹтӓриш гӓнӓ "Эмешев" Акпарсын кымдемӹштӹжӹ, 23 кудывичы дон, 1795 ин ӓшӹндӓрӓлтеш. 1859 ин кырык мары "Эмешев" солашкы, кыды Москва дон Казань корнышты шалга, пырен 24 кудывичӹ (80 пӱэргӹ дӓ 61 ӹдӹрӓмӓш), 1897 ин — 41 кудывичӹ 228 эдем дон (117 пӱэргӹ дӓ 111 ӹдӹрӓмӓш), а 1907 ин — 223 эдем. Пӹтӓртӹш XVIII дӓ тӹнгӓлтӹш XX курымвлӓн сола пырен Кого Юнгы волостьыш Цикмӓ уездыш. 1918 и гӹц Йоласалын центырыш пырен.