Эль Греко

Ирӹкӓн энциклопеди Википеди гӹц материал
Эль Греко. Автопортетшӹ (?)

Доми́никос Теотоко́пулос, кымданжок Эль Гре́ко лӹм доно палӹ (греч. Δομήνικος Θεοτοκόπουλος, Domenikos Theotokopoulos, тенгеок Доминико, Доменико да Теотокопули вариантвлӓ вӓшлиӓлтӹт; исп. El Greco, кырык марла «Грек» лиэш; 15411614) — испан артньык. Шачынжок — грек, шачмы варжӹКрит ошмаоты.

Эль Греко паштекшӹ тыменьшӹвлӓм кодыде, седӹндонат тӹдӹн мастарлыкшым колымыжы паштек лач 300 иштӹ веле ӓклӓш тӹнгалӹнӹт. Сӓмӹрӹк ылмыжы годым Эль Греко иконвлӓм сирӓш тыменьӹн. 26 иашӹн тӹдӹ Венециш кен, кышты Тицианын школышкыжы тыменяш пырен. 1576 ин Эль Греко Испаниш кен дӓ Испанин Филипп II кугижӓн кудвичӹштӹжӹ артньык семӹнь пӓшӓлен. Таманяр жепӹштӹ тӹдӹ Толедош — Испанин тошты вуйхалашкыжы ӹлӓш ванжен, кышты колымыжы якте ӹлен. Эль Греко ирӹкӹм яратышы дӓ ӹшкӹмжӹм шотеш пиштӹктӹшӹ эдем, ӹшке йиш стиль доно вазышы артньык ылын. Картинвлӓштӹжӹ соок "Грек" лӹмӹм шӹнден.

Эль Греко 7 апрельын 1614 ин колен. Толедошты Санто Домингос Эль Антигуо Монастирӹштӹ тайымы.

Галерей[тӧрлӓш]