Цӹгӓк

Ирӹкӓн энциклопеди Википеди гӹц материал
Сола цӹгӓк (Hirundo rustica)

Цӹгӓк (латинлӓ Hirundinidae, англ. Swallows, Martins, нем. Schwalben) оравивлӓ гань ылшывлӓ йыхын (Passeres) мырышы группыш пырышы кеквлӓ. Цӹгӓк качкашыжы шӹнгӓвлӓм чонгештӹмӹжы годым кыча. Цӹгӓквлӓн пачышты кужы дӓ вӹцкӹж. Ялышты пиш изи, седӹндоно рокышкы моло вӓрештӹт гӹнь, чонгештен кузашышты пиш нелӹ. 75 нӓрӹ йиш йӹгӓк улы. Цӹгӓквлӓ ӱштӹм ак тырхеп дӓ кӓнгӹж мычашышток кечӹвӓл векӹ чонгештӓш манын, аравлӓшкӹ погынаш тӹнгӓлӹт.