У Тарашныр

Ирӹкӓн энциклопеди Википеди гӹц материал
Перейти к навигации Перейти к поиску

У Тарашныр (рушла Новые Тарашнуры) Тарашныр шӹргӹ тӹрӹштӹ, Пӹнгель ӓнгӹрӹн вургымла сирӹштӹ вӓрлӓнӓ. Йоласал гӹц 5 уштыш. Сола лӹм «у» (новый) дӓ «тарашныр» (разъединенное поле) шамаквлӓ гӹц лин.

Истори[тӧрлӓш | вики-текстым тӧрлаташ]

Архивный данныйвлӓ семӹнь сола 1880-шӹ ин шачын. Сек пӹтӓри ти вӓрӹштӹ Тошты Тарашныр гӹц ванжышы мары кресӓнь ӹлӓш тӹнгӓлӹн. Сола халык мӱлӓндӹ пӓшӓм ӹштен, вольыкым урден. Солашты садвлӓ дӓ чельньӹквлӓ ылыныт. 1921-шӹ ин лыдмы пӧрт пӓшӓлен. 1929-шӹ ин «Тӹлзӹ» ("Луна") лӹмӓн колхозым ӹштӹмӹ. Пӹтӓришӹ колхоз вуйлатышы С.Яковлев лин. Кого Вырсышты сола гӹц 45 эдем кредӓлӹн, луаткӓндӓкшӹнжӹ коленӹт, коклы шӹмӹтӹн токышты пӧртӹлӹнӹт. Нӹнӹ логӹц ст. лейтенант Георгий Михайлович Смирнов, ефрейтор Трифон Андреевич Никифоров, рядовой Агафия Константиновна Тихомирова дӓ молат.

Ӹлӹзӹ шот[тӧрлӓш | вики-текстым тӧрлаташ]

1897-шӹ и - 31 кудывичӹ (70 пӱэргӹ дӓ 83 ӹдӹрӓмӓш);
1915-шӹ и — 41 кудывичӹ, 180 эдем;
1919-шӹ и — 45 кудывичӹ, 188 эдем (79 пӱэргӹ дӓ 109 ӹдӹрӓмӓш);
1926-шы и — 194 эдем;
2001-шӹ и — 49 кудывичӹ, 85 эдем (40 пӱэргӹ дӓ 45 ӹдӹрӓмӓш).