Тюбетейкы

Ирӹкӓн энциклопеди Википеди гӹц материал
Казах тюбетейкы

Тюбетейкы — крӱгӓ ӓль нӹлоголан, кашар оголан ӓль ляпцӓкӓ, пӱэргӹн ӓль ӹдӹрӓмӓшӹн куштылгы калпак, кыдым тӧрӧк вуйыш чиӓт, тюрк шамак тобе/тюбе гӹц лӹмӹм нӓлӹн, мычашым ӓль кӱкшӹцӹм анжыкта. Бисер, тӹрлӹмӹ доно цеверемдӹмӹ ылеш. Кыды тюрк йӹлмӹштӹжӹ такыя маналтеш. Кӹзӹт Центральный Ази, примереш Узбекистан, Казахстан, Киргизи, Туркменистан халавлӓ дӓ солавлӓштӹ) ӓль шонгырак эдемвлӓ намалыштыт, тенгеок Башкиришты дӓ Татарстанышты. Когонок тюбетейкы 1960-шы ивлӓн СССРышты пӓлӹмӹ ылын, тӹнӓм тӹдӹм шукын намалыштыныт, айыртемӹнок тетявлӓ, национальность шотыш нӓлӓлтде.

Линквлӓ[тӧрлӓш | кодым тӧрлӓш]