Томилӓнсола

Ирӹкӓн энциклопеди Википеди гӹц материал
Перейти к навигации Перейти к поиску

Вӓрлӓнӹмӓш, ӹлӹзӹ шот[тӧрлӓш | вики-текстым тӧрлаташ]

Томилӓнсола Кого Шӹндӹр ӓнгӹрӹн шалахай велӹштӹжӹ , Пӹзӹкныр центр гӹц 2 уштыш ӧрдӹжӹштӹ вӓрлӓнӓ, сагажы Саткансола. Сола лӹм пӹтӓриш гӓнӓ суртым чангышы мары лӹм доно кӹлдӓлтӹн.

Историжӹ[тӧрлӓш | вики-текстым тӧрлаташ]

Пӹтӓриш гӓнӓ сола 1859 иштӹшӹ документӹштӹ пӓлемдӓлтеш. Тӹнӓм солашты 18 сурт, 93 эдем ӹленӹт. 1898 ин – 20 сурт, 104 эдем; 1915 ин – 20 сурт, 112 эдем; 1919 ин – 24 сурт, 116 эдем; 1929 ин – 30 сурт, 124 эдем; 1940 ин – 28 сурт, 109 эдем; 2001 ин – 20 сурт, 47 эдем. Томилӓнсола анзыцок Кузнецово приходыш пырен. XIX-XX курымвлӓштӹ сола Козьмодемьянск уездын Паратмар, Кожваж-Сигачин, Виловатовраж волостьвлӓш пырен. 1921 и гӹц Козьмодемьянск кантонын Кузнецово районышты шотлалтын. 1931 и гӹц кӹзӹт якте Кузнецовы сельсоветыш пыра.

Экономика[тӧрлӓш | вики-текстым тӧрлаташ]

1930 ин сола «Достижение» колхозыш пырен. Вара СПК Кузнецовыш пыраш тӹнгӓлӹн. Сола ӹлӹшӹвлӓ мӱлӓндӹ доно пӓшӓм ӹштенӹт, колым кыченӹт, пушӓнгӹр роаш каштыныт, тенгеок кӹрпӹц ӹштӹмӹ пӓшӓмӓт виктӓрен шалгенӹт. Войнаш сола гӹц 26 эдем кен, 11 коленӹт, 15 мӹнгеш пӧртӹлӹнӹт. Нӹнӹ лошты Серафим Анисимович Антонов, Максим Степанович Павлов, Еор Фёдорович Сидулов дӓ молат.

Культура[тӧрлӓш | вики-текстым тӧрлаташ]

Транспорт[тӧрлӓш | вики-текстым тӧрлаташ]

Автобус линивлӓ: Цикмӓ – Тӓкӓрӓ, Цикмӓ – Йӹлйӓл.