Сидушкина, Анна Романовна

Ирӹкӓн энциклопеди Википеди гӹц материал
Сидушкина, Анна Романовна
Шочын 1915 ин 22 январьын(1915-01-22)
Шочмо вер
Колен 1981 ин 22 январьын(1981-01-22)[1][2] (66 и)
Тыршымаш алан мырызы, семлызе, туныктышо, музыкант

Шаблон:Сортировка: по странамШаблон:Сортировка: по типам

Сидушкина Анна Романовна — лӹымлӹы кӓршӹзӹ, мырызы, композитор, педагог, Мары АССР искусствын заслуженный пӓшӓзӹжӹ.

Тӹдӹ 1915 ин 22 январьын Микрӓк вел Важйӓл Митрусир солаэш шачын. 1981-шӹ ин колен. Микрӓк вел солавлӓштӹ перви кӓршӹм цилӓ ӹдӹрок шактен мыштен. Шактен мыштыдымыжы шоэ веле ылын. Семняштӹжӹ цилӓнок кӓршӹм шактенӹт, седӹндон изи Аня шӹм иӓшӹнок кӓрш докы шумӓнгӹн дӓ шакташ тыменьӹн.

Музыкым яратымыжы тӹдӹм Йошкар-Олашкы, Искусство техникумыш канда, сӓмрӹык ӹдӹр тиштӹ дирижереш тыменеш. Тӹнӓмок А.И.Искандаровын вуйлатымы хоровой капеллышты мыра, концертвлӓштӹ кӓршӹм шакта. Музыкальный училищӹм тымень пӹтӓрӹмӹкӹ, Москваштышы государственный консерваторин дирижерско-хоровой факультетӹн студентшӹ лиэш. Война тӹнгӓлмӹкӹ, Йошкар-Олаш пӧртӹлеш, Маргосфилармоништы хорышты мыраш дӓ кӓршӹм шакташ тӹнгӓлеш.

1946 ин Москваштышы консерваторим тымень пӹтӓрӓ. Вара Йоласалышты, Марпединститутышты кӓрш ансамбльвлӓм цымыра, шукы и Маргосфилармони сагашы кӓрш ансамбльын вуйлатышыжы лиэш. Шӹренок концертвлӓштӹ шакта, республиканский, всероссийский художественный конкурсвлӓштӹ ӹшке мастарлыкшым анжыкта. Тӹнӓмок И.С.Палантай лӹмӓн музыкальный училищӹштӹ, культпросветучилищӹштӹ хоровой дисциплиным тымда дӓ кӓрш классым пачеш, Марпединститутын музыка, мырымы дӓ изобразительный искусство кафедрын старший преподавательжӹ лиэш.

Тӹдӹ ӹшкежӹт мырывлӓм сирен. 1958 ин «Кырык мары халык мырывлӓ» сборникӹм пецӓтлен.

  1. http://folkmanystringedinstruments.spbu.ru/Articles/072rus4.htm
  2. http://music12.ru/wp-content/uploads/2015/01/доклад_Сидушкина.pdf
  3. http://www.12rus.ru/List/22/239/