Рождественский, Михаил Алексеевич
| Рождественский, Михаил Алексеевич | |
|---|---|
| Шочын | 3 (15) ноябрь 1829 и[1] |
| Шочмо вер | |
| Колен | 9 (21) август 1897 и[1][2] (67 и) |
| Колымо вер | |
| Тыршымаш алан | Иерей, школьный учитель, просветитель, общественный деятель |
Шаблон:Сортировка: по странамШаблон:Сортировка: по типам
Михаил Алексеевич Рождественский – халыкланна сотым кандышы. (1830 и, Цикмӓ уезд –кынам колен, пӓлӹ агыл).
Биографижӹ
[тӧрлӓтӓш | кодым тӧрлӓш]М. А. Рождественскин ӓтяжӹ дьӓкӹн ылын. 1850-шӹ ин духовный семинарим тымень пӹтӓрен. Яжон тыменьшӹ ӹрвезӓшӹм пакыла духовный академимшкӹ тыменяш колтенӹт. Льыскыды шулыкшы венлдӹк, тӹдӹм академи гӹц епархин пӓшӓш ваштенӹт. 1851 ин Азан дон Свияжскын архиепископшы Григорий тӹдӹм ӹшке хорышкыжы тымдышеш нӓлӹн. 1853 ин шулыкшы изиш тӧрлӓнӓлмӹкӹ тӹдӹ Цӓрлӓ уездӹн Петропавловски солаш кен дӓ тӹштӹ свӓщенник лин. Тӹштӹ шукыжок пӓшӓм ак ӹштӓ дӓ туан велӹшкӹжӹ вашташ ядмаш сирмӓшӹм сирен. Тенге тӹдӹ 1854-шы ин Изи Шӹндӹр солашкы толын. Валгыды Тройцын церкӹштӹ свӓщенник лин. 1856 ин 12 январьын Рождественский Изи Шӹндӹрӹштӹ ӹшке пӧртӹштӹжӹ церкӹ кымдем училищӹм пӓчын дӓ тетявлӓлӓн кырык мары йыл-мӹ доно тымдаш тӹнгӓлӹн. Яжон тымдымы дӓ халык лошты пӓлӹмӓшӹм шӓрӹмӹ гишӓн Синод дӓ епархи лӹм доно тӹдӹлӓн тау шамакан сирмашӹм пуэнӹт дӓ шергӓкӓн пӹрня (подарка) доно пӓлемденӹт.. 1869 ин Рождественским духовный съездышты Цикмӓ уездӹн 1-шӹ йӹргецӹн благочинный должностеш айыренӹт. 1872 ин земский управын правленин йенгжӹ (членжӹ) лин, тӹдӹн цацымыжы велдӹк Изи Шӹндӹрӹштӹ кок этажан училищӹм чангат дӓ пачыт. Рождественский тенгеок Цикмӓ уездӹi Гурий шӱмбел кымдемӹн школвлӓ пачаш манын, шукы шытырым пиштен да –тенге тӹды –туан халыкшын толшашыжым сотым ужаш шанен. Ти школвлӓштӹ тымдымы йӹлмӹ тӹнӓм кырык мары йӹлмӹ ылын. Тӹ ивлӓн шӹренжок лач ӹрвезӓшвлӓдӓн веле школвлӓ ылыныт гынят, Рождественски ӹдӹрвлӓӓнӓт школвлӓм пачаш цацен. Тенге 1869-шы –ин Изи Шӹндӹр ӹдӹрвлӓн училищештӹ пачмы лин, кышты пӹтӓрижӹ 15 ӹдӹрӓш тыменьӹн. 1874-шӹ ин тӹштӹ 50 ӹдӹр тӹменьӹн. Тыменьӹ вӓр утла тор ылын, тыменьшӹвлӓ ӱштӹмыж доно церлӓнен- колтенӹт: седӹндонат ти училищӹм Цикмӓш вашташ линӹт. Ти училищӹлӓн цикмӓ купец И. М. Зубков йори кого пӧртӹм шӹнден. 1875-шӹ ин 12 мартын ӹдӹрвлӓн училище Изи Шӹндӹр гӹц Цикмӓш официацльно ваштымы лин. Пакылажы ти училищӹ Цикмӓштӹш рушын агыл ӹдӹрвлӓн училищештӹ маналтын. 1877 ин М. А. Рождественский ӹшкежӓт Цикмӓшкӹ ванжа дӓ ти училищӹштӹ законвлӓм тымден.