Пырастай

Ирӹкӓн энциклопеди Википеди гӹц материал

Пырастай (рушла Парастаево) — Кого Йынгы вургымла сирӹштӹ вӓрлӓнӓ. Эмӓн гӹц 4 уштыш. Сола лӹм ти вӓрӹш пӹтӓришӹ ӹлӓш толшы эдем лӹм гӹц лин. Перви сола «деревня Карамышева Вторая» с околодками «Сиватыр сир» и «Васильсир» маналтын.

Истори[тӧрлӓш | кодым тӧрлӓш]

Пӹтӓришӹ гӓнӓ сола гишӓн 1717-шӹ ин сирен кодымы. Пырастай халык первишен мӱлӓндӹ пӓшӓм ӹштен, вольыкым урден. Солашты кок вӹд вӓкш пӓшӓм ӹштен. Коллективизаци жепӹн сола халык «Радио» колхозым ӹштен. Тӹдӹн пӹтӓришӹ вуйлатышыжы И.Ф.Шатров ылын. Кого Вырсышты Пырастай гӹц 47 эдем кредӓлӹн, коклы нӹлӹтӹнжӹ коленӹт, а коклы кымытын токышты пӧртӹлӹнӹт. Нӹнӹ логӹц сержант Петр Андреевич Имянов, рядовойвлӓ Зосим Иванович Иванов, Аркадий Тимофеевич Митянов дӓ молат.

Ӹлӹзӹ шот[тӧрлӓш | кодым тӧрлӓш]

1717-шӹ и — 33 кудывичӹ (79 пӱэргӹ, 128 ӹдӹрӓмӓш);
1795-шӹ и — 107 кудывичӹ;
1859-шӹ и — 42 кудывичӹ (123 пӱэргӹ, 108 ӹдӹрӓмӓш);
1897-шӹ и — 52 кудывичӹ (137 пӱэргӹ, 134 ӹдӹрӓмӓш);
1915-шӹ и — 53 кудывичӹ, 274 эдем;
1919-шӹ и — 52 кудывичӹ, 220 эдем (100 пӱэргӹ, 120 ӹдӹрӓмӓш);
1925-шӹ и — 216 эдем;
1929-шӹ и — 52 кудывичӹ, 229 эдем (101 пӱэргӹ, 128 ӹдӹрӓмӓш);
2001-шӹ и — 43 кудывичӹ, 92 эдем (41 пӱэргӹ, 51 ӹдӹрӓмӓш).