Пушӓнгӹ гишӓн пӓлӹвлӓ

Пушӓнгӹ гишӓн пӓлӹвлӓ

1. Вишнёпка ӹлӹштӓш йоген пӹтӹде, хоть маняры лым вацшы — сойток шыла.

2. Шошым кож ялава лиэш — прос шачеш.

3. Куги шужга — юрлан, шӹп мадеш — аярлан.

4. Ломбы ошын кайын пеледеш, тӹнӓм тотлы пышан шолвонгы лӓктеш.

5. Нӧлпӹ ӹлӹштӓш ӓнгӹр вӹдӹш вазеш дӓ ак валы — тел йӹле ак тол.

6. Шӹжӹ тӹнгӓлтӹшӹштӹ олмаву пеледеш — шӹжӹ кужы лиэш.

7. Пӹзӹлмӹ кӹцкӹ шукы — юран шӹжӹлӓн.

8. Тополь мамыкым йоктара — шуды ӹштӓш кеӓш жеп.

9. Шапки ӹлӹштӓш кымыраш окса гань лиэш — охырам шӹндӓш яра.

10. Шӧрвӓ ӹлӹштӓш тум гӹц анзыц шӓрлӓ — кӓнгӹж кукшы дӓ шокшы лиэш, вара шӓрлӓ — мытык дӓ начкы лиэш.