Пайскырык церкӹ

Ирӹкӓн энциклопеди Википеди гӹц материал

Пайскырык церкӹ - Христосын Шачмы церкӹжы. Церкӹм шӹндӓш манын, оксажым православи йымылан ӹнянӹшӹ кырык марынвлӓ ӹшке погеныт. Архитектура стильжӹ доно варашы классицизм стильӹм анжыкта.Ти церкӹм 1829-шӹ ин пачмы. Тӹнам Христос шачмы лӹмеш тӹнг престолым валгыдемденӹт. Церкӹш каштшывлӓн шукеммӹ семӹнь, 1864 ин тӹдӹм кымдаэмденӹт. 1902 ин церкӹн свӓщеннӹкшӹ Е. Г. Хлебников, дьӓкӹнжӹ А. А. Яхонтов, псалмывлӓм мырышы Ф. С. Лаишевский ылыныт. Совет жепӹн ти церкӹм 1937 ин питӹрӹмы, кужы жеп тӹштӹ Пайскырык сельпон клӓтшӹ ылын. 1994-шӹ и годшен угӹц пачмы. Церкӹ сага Рушӓрня школ ӹштӓ.