Нибелунгын мырыжы
Вӹлвӓл сӹн
![](http://upload.wikimedia.org/wikipedia/commons/thumb/5/59/Nibelungenlied_manuscript-c_f1r.jpg/220px-Nibelungenlied_manuscript-c_f1r.jpg)
![](http://upload.wikimedia.org/wikipedia/commons/thumb/2/2b/Nibelungenlied_manuscript-k.jpg/220px-Nibelungenlied_manuscript-k.jpg)
Нибелунгын мырыжы (нем. Das Nibelungenlied) —кӹдӓлӓш курымвлӓн (1200-шы ивлӓн) пӓлӹдӹмӹ автор доно сирӹмӹ герой эпос.
Эпосын лӹмжӹ гишӓн
[тӧрлӓтӓш | кодым тӧрлӓш]Эпосым 18-курым годшен Nibelungenlied лӹм доно пӓлӹ ылеш. Тӹнӓм тидӹм тӧрлен сирӹмӹ ылын. Лӹмжӹм мырывлӓн остатка куплет гӹц нӓлмӹ, кышты тошты кӱшӹл немӹц доно сирӹмӹ: hie hât daz mære ein ende: daz ist der Nibelunge liet, кӹзӹтшӹ немӹцлӓ тидӹ тенге лиэш: hier ist die Geschichte zu Ende: das ist das Lied von den Nibelungen, а кырык марла тидӹм тенгерӓк келесӓш лиэш: тенге ти мырын мычашыжы толеш, тидӹ Нибелунгын мырыжы ылын. Тишты «мыры» ("Lied") шамакым кычылтмы гӹнят, ти пӓшӓштӹ тӹдӹ мырым агыл, а весым анжыкта. Тидӹм «эпос» значени доно ынгылымыла. Ти эпосын кок версижӹ улы, коктыге 13-шӹ курымын сирӹмӹ ылыт.