Мэрилин Монро

Ирӹкӓн энциклопеди Википеди гӹц материал
Мэрилин Монро
Шочмаш дене лӱм англ. Norma Jeane Mortenson
Шочын 1926 ин 1 июньын(1926-06-01)[1][2][3][…]
Шочмо вер
Колен 1962 ин 4 августын(1962-08-04)[4] (36 и) или 1962 ин 5 августын(1962-08-05)[5] (36 и)
Колымо вер
Страна
Тыршымаш алан киноактёр, модель, кинопродюсер, мырызы, автобиограф, Playboy Playmate, фотомодель, Актёр
Ача Чарльз Стэнли Гиффорд[d]
Ава Глэдис Перл Бейкер[d][7]
Шаблон:Wikidata gender switch Джим Догерти[d], Ди Маджо, Джо[d] и Артур Миллер[d]
Чап пӧлек да премий
Автограф Изображение автографа
Сайт marilynmonroe.com(англ.)
Логотип Викисклада Медиафайлы на Викискладе
Marilyn Monroe in How to Marry a Millionaire trailer

Мэрилин Монрон биографижӹ[тӧрлӓш | кодым тӧрлӓш]

Лачокшы лӹмжӹ дӓ фамилийжӹ: Норма Джин Бейкер Мортенсон.

Мэрилин Монро 1 июньын 1926 ин Лос-Анжелесӹштӹ шачын, 5 августын 1962 ин Брейтвудышты (Калифорни) колен.

Изи годшы жеп[тӧрлӓш | кодым тӧрлӓш]

Ӹндекш цӓш ирокын икӹмшӹ июньын 1926 ин Лос-Анжелесӹштӹ шӹдӹр шачын - Норма Джин Бейкер. Шотлалтеш, Норма Джинӹм тӹ веремӓштӹш кок кого актрисы лӹмеш лӹмденӹт. Нормы Толмэдж и Джин Харлоу лӹмеш. Мэрлин Монрон ӓвӓжӹ, Глэдис, кинолабораториштӹ пӓшӓм ӹштен, кадырвлӓм когон тусарен анжен, кышты Норма Толмэдж ылын. Тӹдӹ сусун анжен ти йӹлмӹдӹмӹ киноштышы цолга шӹдӹр вӹк. Дӓ кынам Глэдисӹн ӹдӹржӹ шачын, тӹдӹм яратымы актрисы лӹмеш лӹмдӓш шанен. Но ӹшке кокшы лӹмжӹ доно Норма Джин голливудский шӹдӹр Джин Харлоу лӹмеш лӹмдӹмӹ агыл. Ӹдӹрӹн шачмы жепешӹжӹ актрисын лӹмжӹ Харлин Карпентер ылын. Джин Харлоу лин 1928 ин веле, кынам Норма Джин кок иӓш ылын.

Тӹдӹн папажӹИрланди гӹц, тьотяжӹ Шотланди гӹц. Вараш ӓтяжӹ Норвеги гӹц. Ӹдӹрӓшӹм крестенӹт, кынам тӹдӹлан куд тӹлзӹ ылын, кыце Норма Джин Бейкерӹм Евангелий церкӹштӹ, Калифорништӹ. Тӹдӹн ӓвӓжӹ Глэдис Пеарл Монро (ӹдӹр фамилижӹ) Мексикышты 1900 ин шачын. Шачмы свидетельствыжы, Нормын ӓвӓжӹ списокыш ӓтяжӹ семӹнь Маритин Эрвардым Мортенесӹм пыртен. Марывлажӹ Глэдис: Бейкер, вара Мортесон, кыды шуэн тӧрӧк мӹшкӹрӓн ӹлмӹм пӓлӹмӹ ваштек. 1934 ин Глэдис попазен ороды томаш. Шукы веремӓ изижӹ годым Норман тетя томашты эртен. Цилӓ изи годшы фотографиштӹ Норманын ӱпшӹ тӧр дӓ якшарика кӹран цӹреӓн ылын.

19 июньын 1942 ин Норма Джеймс Доэртилан марлан кеен, кыды паштек школым шуен дӓ сагажы ӹлӓш тӹнгӓлӹн. Суӓн паштек ик и эртӹмӹкӹ марыжы пӓшӓм торговӹй флотӹштӹ ӹштӓш тӹнгӓлӹн, а Норма Джин авиационнӹй заводӹш пӓшӓм ӹштӓш кеен, кыды ДПЛА Radioplane OQ-2 лыктын. Таманярӹштӹ карангеш завод гӹц, модель пӓшӓштӹ карьерым ӹштӓш манын. 1944 и пӹтӓртӹшӹштӹ, кынам Норма Джин заводӹштӹ пӓшӓм ӹштен, тӹштӹ ылын армейский фотограф, кыды ядын тӹдӹм позируяш 5 доллареш, и Норма Джин яра манын.

1945 ин, луатӹндекшиӓш модель Норма Джин Доугерти лӹм доно модельвлӓлӓн Blue Book агенствӹштӹ консультируялтӹн, кыды кӓнӹмӹ томаштӹ Ambassador Лос-Анджелесӹштӹ, Калифорништӹ ылын. Ти пурӹ и яжо сӓмӹрӹк модельӹм, кыды цӓрӓн Граф Моран камерӹ анзӹлнӹ 10 $ тӓнгӓэш цӓшеш снимаялтӹн, ӓшӹндӓрӓт Мэрилин Монро лӹм доно. Сильвия Барнхарт пӹтӓриш парихмахер ылын, кыды торемден тӹдӹлӓн ӱпшӹм и сек пӹтӓри крӓсен тӹдӹн ӱпшӹм ошӹш.

Голливудышты карьеры[тӧрлӓш | кодым тӧрлӓш]

1946 ин август тӹлзӹн ядӹнӹт кӹлӹм кӹчаш 20th Century Fox киностудии дон, кыдым нӓлӹнӹт тӹш статистикӹ дон. Студиштӹ нӓлӓш лиэш ылын техень лӹмвлӓм - Кэрол Линд, Клэр Норман, Мэрилин Миллер, но шагалӹнӹт лӹмеш, кыдын дон вара лин пӓлӹмӹ, - Мэрилин Монро. Фамилижӹ папажӹн ылын.

Иктаманярӹштӹ, марлан кемӹ паштек Монро тумаяш тӹнгӓлӹн ӹшке карьерӹжӹ гишӓн, кыды паштек сентябрьын 1946 ин марӹжӹ дон айырлен.

1948 ин октябрьын прокатыш лӓктӹн кино «Хористки», кыдым ӹштенӹт киностудишты Columbia Pictures. Тидӹ пӹтӓриш кино ылын, кӹштӹ Мэрилин мырен и попен. Мэрилин Монро нӓлӹн шӹм иэш конрактым 20th Century Fox студи дон дӓ рольым киношты «Асфальтовые джунгли».

Январь тӹлзӹн 1954 ин Мэрилин Монро бейсболистлан Джо Ди Маджолан марлан кен. Кыце вара лин, Ди Маджо Мэрилинӹм когон яратен дӓ шӹрен кидӹм вӹкӹжӹ лӱктӓлӹн. Седӹндон октябрь тӹлзӹн 1954 ин нӹнӹ айырленӹт. Но тиштӹ улы ик кого «но», колымы яктежок Джо Мэрилинӹм яратен дӓ ӹшкетшӹ марыжвлӓ лоштӹ тайӹмӹ кечӹшкӹжӹ толын. Сойтокат Ди Маджо пакылаат Мэрилинлан палшен шалген. Марлан кемӹ паштек Ди Маджо киностудии 20th Century Fox дон мюзиклыш «Нет лучше бизнеса, чем шоу-бизнес» мадаш шӱденӹт.

Март тӹлзӹн 1954 ин Мэрилин нӓлӹн сӹнгӹмӓшӹм «Сек пӓлӹмӹ актрисы». Январьын 1955 ин Мэрлин пӓлемден ӹшке корпорацижӹ гишӓн «Мэрилин Монро Продакшнс», кыдын вара лин кугижӓжӹ дӓ контрольный пакет акцин хозажы.

Февральын 1961 ин, Мэрилин когон янгылен шӹнзӹн. Тӹдӹ айырлен веле Артурт Миллер дон; киножы «Неприкаянные» гишӓн критиквлӓ худӓн попенӹт; дӓ пакылаш карьерыжы кайын худан. Седӹн дон, «тӹдӹ тонӹжӹ пӹцкемӹш комнытышты кодын, амалаш пӓлшышы средствывлӓм йӱн дӓ кӹжгӹцшӹм йамден». Тӹнӓмок тӹдӹм Нью-Йоркышты ороды томаш пиштенӹт.

Ӹшкӹмӹн ӹлӹмӓш[тӧрлӓш | кодым тӧрлӓш]

Эче 1950 ин Мэрилин драматург Артур Миллер дон вӓшлин, но вара нӹнӹ айырленӹт и вӓшлинӹт 1955 ин веле. Тӹ веремӓэш тӹдӹ айырлышы ылын, дӓ тӹ вӓтӹжӹ гыц кок тетяжӹ ылын. Цилӓ анзӹлнӹ нӹнӹ сӱӓнӹм ӹштенӹт 29 июньӹн 1956 ин, а кок кечӹ эртӹмӹкӹ еврейский сӱӓнӹм (Артур еврей ылын). Ти мыжырангмаш сек кужы цилӓ гӹц лин, вет лачок, Монро соок ышан пуергы гишӓн тумаен, кыды кердӹн темен тӹдӹн акситӹвлӓжӹм тыменьмӓштӹ. Ти сӱӓн сек цӓшӓн ылын: нӹнӹ иквӓреш нӹл и утла ӹленӹт дӓ 20 январьын 1961 ин айырленӹт. Пакыла жы пӓлӹмӹ лин, Артур иктаманяр ӓрняштӹ ӹшке дневникӹштӹжӹ сирен, кышты келесӹмӹ: «Мӹлӓм чучеш, тӹдӹ мӹньӹн изи тетяем, тидӹм тӹрхенӓт ам керд!». Мэрилин ти сирӹмӹжӹм ужын дӓ ӧрӹн, кыды ваштек нӹнӹ соредӓл шӹнденӹт. Мэрилин тетям ӹштӓш шанен, соок мыжырангмыжы годым мӹшкӹрӓн лиӓш тумаен, но кердде. Артур гӹц мӹшкӹрӓн лин, но мӹшкӹрӓнгмӹжӹ внематочный лин.

1961 ин Мэрилин Джон Кеннеди дон пӓлемдӓлтӹн, кыды вара СШАн президентшӹ лин. Шамак каштын нӹнӹн вӓшлимӹштӹ гишӓн, тенегеок вуйта Мэрилин тӹдӹн шоляжы дон вӓшлин, тӹдӹн дон Мэрилин яжон кӹлӹм кычен. Но ти шайыштмашвлӓ шая веле.

Колымыжы[тӧрлӓш | кодым тӧрлӓш]

Вадеш 4 августын 1962 ин Мэрилин Монро Питер Лофордлан, британский актёрлан звонен, кыды мыжырангын Пэт дон, президентӹн Джона Ф. Кенндин ӓкӓжӹ дон. Тӹдӹ амалышы юкан ылын, дӓ шайыштмашышты тошнан пӹтен: «Мӹнь вӓрешем Пэт дон, президент дон дӓ ӹшкедонетӓт цеверемдӹ, тӹнь яжо ӹрвезӹ ылат». Иктаманяр цӓшӹштӹ американский экранын секс-символжым ӹшке Лос-Анжелесӹштӹшӹ виллышты колышым моныт. Тӹдӹн цевер кӓпшӹ цӓрӓн амалымы вӓрӹштӹ кымык лицӓ дон киен.

Юнис Марри, Монрон палшен шалгышыжы, келесен, иктӓ 3:30 тӹдӹм кӹдежӹштӹжӹ ужын. Тӹргӹжланаш тӹнгӓлмӹкӹжӹ, тӹдӹ психиатр док йӹнгӹлтӓрен, церлӹшӹлӓн Ральф Гринсонлан, дӓ тӹдӹн ӹшке церлӹшӹлӓн Хайману Энгелбергулан. Гринсон 3:40 толын дӓ Мерлинӹн кӓпшӹм ужын колтен. Иктаманяр минутышты Энегелбург толын, кыды колымыжы гишӓн келесен. Тӹдӹн причиныжы, кыце анжыктен экспертизы лин «отравлени барбирутами, прероральный передозировкы». Оролывлан (полицейскийвлӓн) отчётыштыжы сирӹмӹ ылын - «виднӹ, ӹшке пуштмаш».

Мэрилин Монро ӹшкетшӹ колен, телефон трубкажы кидӹштӹжӹ ылын, йӹдӹм 4 гӹц 5 августӹш 1962 иш, ӹшке томаштыжы brentwoodдышты, 12305 Fifth Helena Drive Brentwood, California. Амалымы вар доны охыр ӓтӹ амалашпалшышы лекӓрцӹ гӹц киен. Луатнӹл вес лекӓрцӹвлӓ йӹд столӹштӹ ылыныт. Мэрилин Монро нимаханять колымы сирмӓшӹм сирен кодыде. Кӓпшӹм моргыш пачаш кандедӹт, кыдым церлӹшӹ Цунетоми Ногучи ӹштен, патолог келесен, Мэрилин Монро наркотикын передозировкы гӹц колен.

Сойтокат ти версиштӹ ваштарешлӹмӓшвлӓ улы, седӹндон пуштмаш гишӓн тумаяш лиэш. Шукы ужшы эдемвлӓ вара ӹшке помымышты гӹц карангыныт. Кыдыланжы алталаш шӱденӹт, нӹнӹн шамакышты доно, Джон Ф. Кеннедим ти йылашкы пырташ агыл манын, и тӹдӹн шоляжым СШАн юстицин министыржым Роберт Кеннедим.

Шая президент дон Монрон кӹлжӹ гишӓн май 1962 и гӹц лӓктӹн – тӹнӓм актрисы 20 тӹжем эдем анзылны, погынышывлӓлӓн Мэдисон-Скуэр-Гарденештӹ яратышы юк доно мырым «Шачмы кечы доно» мырен. Кӹзӹт пӓлӹ, тӹ йӹдӹм нӹнӹ иквӓреш эртӓренӹт Бинг Кросбин Палм-бич томаштыжы, вара эче иктаманяры гӓнӓ ужыныт. Кыце попат, эче анзыц Монро Роберт док лишӹл ылын, кыды ӹзӓжӹ дон вӓшлимӹ гишӓн ваштареш ылын, шана тидӹ когоньӹштӹланат репутациштӹм худаемден кердӹн.

Тумайӹмаш, кӱ Монрон колымлан палшен, шукы. Лин кердеш, халык вӹк лыкташ агыл манын, кок кого эдем кымда америкы сӓндӓлӹкӹн ик политический роды гӹц сӱӓн якте Монро дон пижедӹлмӹм таяш? Али Роберт, айӹрлаш цацышы актрисы дон, Мэрилинӹм колымаш шоктен? Иктаманяр кечӹ анзыц колымыжы якте вуйта Монро писательлан Реберт Слацерулан попен «Бобби мӹньӹм ак цаклы». «Мӹнь кердӓм пресс-конференцим ӹштен дӓ тидӹ гишӓн шайышт пуаш». Ӹшке биографиштӹжӹ кинон шӹдӹржӹ Слацер тумая, ти шӹтӹр йӹдӹн тӹдӹн док толын юстицин министыржы, вара эртӓрӹшӹ йӹдӹм вингӹжӹн томаштыжы, Питер Лофорд дон, но тӧр тидӹ ӓли агыл? Сеймур Херш ӹшке биографический книгӓштӹжӹ «Тёмная сторона Камелота» пумагавлӓ попымы семӹнь, Кеннеди Монрон ӓвӓжӹлӓн кого рентым ӹштен, ӹдӹржӹн шӹп лимӹжӹм нӓлӓш. Хотя ти пумагавлӓ алаталымаш ылеш.

Монрон колымыжым мафи доно ушенӹт, кыдын дон Кеннеди соредӓлӹн. Ӓнят, актрисым карангдымы годым, нӹнӹ тумаенӹт Джордж дон Бобби вӹк лӓктӹт. Но вес верцӹн анжалмыкы, кок остатка тӹлзӹн Монрон телефонжым колыштыныт, кыце юстицин министыржы Роберт Кеннеди, тенгеок Джимми Хоффин.профсоюзын агентвлӓжӹ.

Лачокок актрисы заложницы кугижӓн дӓ шпанан кредӓлмӓштӹ лин? Тидӹ эче лачок агыл, но церлӹшӹвлӓн колымыжы гишӓн келесӹмӹштӹ лӱктӓлеш ядмашвлӓм. Сирӹмӹ, шамак шотеш, тӹдӹ тӧрӧк 47 лекӓрцӹм нембутала нелӹн колтен, хотя тӧрлӹшӹ Энгелберг тӹдӹлӓн 25 пилюльӹм йӱӓш сирен. Монро тенге ӹшкӹмжӹм пуштын гӹнь, желудыкыштыжы лекӓрцӹ гӹц иктамажы кодшашлык. Но нимат ылде. Тидӹм внутривенный передозировкы барбитурат дон ынгылдӓраш лиэш, хотя рецептӹм ампулылан иктӓт сирӹде. Ти уколым ӹшке ӹштӹде ма? Экспертӹн сирӹмӹ семӹнь нимахань пӓлӓт инъекции гӹц кӓпӹштӹжӹ уке, хотя тулӹмӹ пумага, кыдым торлӹшӹ Энгелберг колтен келесӓ, уколым ик кечӹ анзыц колымешкыжы ӹштӹмӹ. Кыды гӹц кодшашлык пӓлӹ ылын, актирсын психоаналитикын Ральф Гринсонын самынялтмыжы, кыды сирен тӹдӹлӓн йӱӓш хлоралгидратӹм нембутал йӱмӹ паштек.

Кӹштӹ лачокшы иктӓт ак пӓлӹ

Тӧрӧк колымыжы паштек актрисын наркотик гӹц передозировкы обсуждӓялтын американский печатьышты, эффект Вертерам ӹштӹмӹ, шукынжок тидӹ паштек примерӹм нӓлӹнӹт.

Тӹдӹм стенӓн склепӹшкӹ тайенӹт. 8 августын 1062 ин Westwood мыгилӓштӹ 1218 Glendon Авеню, Westwood Калифорништӹ Мэрилин Монрон тайымаш кечӹ лин.

  1. Marilyn Monroe Biography
  2. Свидетельство о рождении — 1926.
  3. Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
  4. Marilyn Monroe // https://www.mymovies.it/persone/-/810
  5. Internet Movie Database (англ.) — 1990.
  6. Deutsche Nationalbibliothek Record #118583549 // Общий нормативный контроль (GND) (нем.) — 2012—2016.
  7. Pas L. v. Genealogics (англ.) — 2003.