Милäускайте, Нийоле

Ирӹкӓн энциклопеди Википеди гӹц материал
Перейти к навигации Перейти к поиску

Милäускайте, Нийоле (ш. 1950-2002) - лиетува поэтесса. "Уршуле С.-ӹн омынжы" (1985) лӹмäн пӹтäриш лыдыш погымыжым поздаракын, кынам уж Лиетувашты модернизм поэзи цаткыдын ял вӹлнӹжӹ шалгымы годым веле лыктын гӹнят, тӹдӹн лыдышвлäжӹ тӧрӧк сӹнзäшкӹ керӹлтӹнӹт. Ти потессӹн поэзижӹ эмоциональне, но тенге гӹнят эмоцивлäм кидӹштӹ кычымы, поэтикӹн образвлäжӹ лыдшым карштарен вäк кердӹт- нӹнӹ äшӹштӹш шäлäтен шумы охоницä пыдыргывлä вуйта ылыт. Лыдышвлäжӹ кыце ӹдӹрäш гӹц ӹдӹрäмäш кушкеш- тидӹ гишäн шайыштыт. Ти ӹдӹрäмäш- äшӹндäрӹмäш, äшӹндäрӹмäшӹжӹ- цäрäн кыдаш шумы ӹшкет ылмаш дä иктӹлäнäт, нималанат ӹнян уке ылмаш, техень годым карштымашымат вäк шижäш цäрнет. Лыдышвлäштӹ паузывлä, кӹрӹлтмäшвлä ӹшке рольыштым мадыт, нӹнӹ ӹшке семӹньӹштӹ тӱнымбалым ынгылаш палшат- пӹлӹшӹштӹ тьонгымешкӹ, йӹрвäш колыштын. Пӹтäртӹш жепӹн тӹдӹн творчествыштыжы инди эротика поэзин элементвлä цаклалтыт.