Мары Талешкӹ кечӹ

Мары Талешкӹ кечӹ - цилӓ мары халыкын геройвлӓжӹм, халыклан соты корным анжыктышвлӓм ӓштӹмы кечӹ. Ти кечӹм 26-шы апрельӹн пӓлдӹртӓт. Айом 1990-шы ивлӓ годшен эртӓрӓш тӹнгӓлмӹ. Школвлӓштӹ, кӱшӹл школвлӓштӹ, библиотекывлӓштӹ, культура пӧртвлӓштӹ, фирмывлӓштӹ халыкнан патырвлӓжӹ гишӓн шайыштыт, туан мӱлӓндӹнӓ гишӓн лыдышвлӓм лыдыт, мырывлӓм мырат, мары халыкын тистӹжӹм лӱктӓлӹт, ӓштемиквлӓ анзыкы дӓ шӹгервлӓштӹ пеледӹшвлӓм пиштӓт ӓль шӹндӓт дӓ мол лиалтмӓшвлӓм эртӓрӓт. Шамаклан Йошкар-Олашты Сергей Чавайнын ӓштемикшӹ анзылны 18.00 сартавлӓм чуктӓт. Кыдыжы ти кечӹн ирок йымылыкеш сартам чӱктӓт дӓ туан йӹлмӹнӓн толшаш жепшӹ верц ыдылыт.