Лукианов Станислав Сергеевич

Ирӹкӓн энциклопеди Википеди гӹц материал
Перейти к навигации Перейти к поиску
Лукианов Станислав Сергеевич
Шочын:

1961 ин 30 октябрьын(1961-10-30) (59 и)

Лукианов Станислав Сергеевич 1961 ин 30 октябрьын Кырык сирнӓн Сарапай солаэш шачын. Пӹтӓри кӓндӓкш и Вӹржӹкӓн школышты, вара Йоласал школышты тыменьӹн. Кого пӓлӹмӓшӹм Мары университетышты историк специальность доно нӓлӹн. Тыменьмы годымок Сарапай сола клубым вуйлатен, «Шанавӹл» халык ансамбльым пачын. 1986-1991 ивлӓн Вӹржӹкӓн школышты тыменьшӹвлӓлӓн музыка уроквлӓм виден, пионервожатый пӓшӓм ӹштен. Тӹдӹ тетявлӓлӓн яжо пример ылын, нӹнӹ доно иквӓреш шукы яжо пӓшӓм ӹштен. Ӹдӹр-ӹрвезӹвлӓ тӹдӹм яратенӹт, шамакшым колыштыныт, шукы кого сӹнгӹмӓшвлӓш шоныт. Станислав Сергеевич нӹнӹм «Ырвезы сем» ансамбльыш цымырен. Ӹшке мастарлыкыштым районышты, республикышты веле агыл, вес вӓреӓт анжыктенӹт. Кӹзӹт Сарапай халык творчествын томаштыжы методист пӓшӓм ӹштӓ. Станислав Сергеевич Лукиановым шукы гӓнӓ грамотывлӓ доно, тау шамаквлӓ доно пӓлемдӹмӹ, Мары Эл культурын заслуженный пӓшӓзӹжӹ лӹмӹм пумы, Кырык мары районын Почетан книгӓшкӹжӹ, «Марийская биографическая энциклопедия» книгӓш лӹмжӹм пыртымы. «Шанавӹл» ансамбльын творчествыжым мӓмнӓн сӓндӓлӹкӹштӹнӓ веле агыл, тӱ сӓндӓлӹквлӓштӓт тӹшлӓт.