Лидӹмбал

Ирӹкӓн энциклопеди Википеди гӹц материал

Лидӹмбал (рушла Алдайкино) — сола Кырык сирӹштӹ, Виловат сола согоньышты, кыды якте 8 уштыш лиэш. Ти солашты кого мӧр куштышы халык ӹлӓ дӓ тидӹ доно бизнесӹм ӹштӓ. Лидӹмбалны сирӹзӹ Пекпатыр (Андрей Григорьевич Алёшкин, 1915—1939), марынвлӓ лошты кымдан пӓлӹмӹ журналист Николай Михайлович Еропов (1951—1996), мырывлӓн авторжы Иван Иванович Светлов шачыныт.