Лачплесис

Ирӹкӓн энциклопеди Википеди гӹц материал
Лачплесис Латвин почта маркышты, 1995

Лачплесис (лат. Lāčplēsis, мӧскӓ кычышы) — герой шӱлӹшӓн эпос, кыдым Андрейс Пумпурс латыш фольклор негӹцеш сирен. Эпосын тӹнг персонажшӹ - Лачплесис, кыды туан халыкын виӓн ылмыжым, тышман ваштареш кредӓлмӓштӹ героизмжӹм анжыкта. 11 ноябрьын Латвиштӹ Лачплесисӹн кечӹжӹм кугижӓнӹш кечӹжӹ ылыеш дӓ тӹдӹм Ӓтямӱлӓндӹ верц кредӓлмӹ кечӹ семӹнь пӓлдӹртӓт. Ти кечӹн 1919 ин Латви Рига докыла талашышы Бермонтын армижӹм шин шӓлӓтен.