Климӓнсола

Климӓнсола — ти сола первишӹ Кого Кӹтьӹри (Москва) трактын вургымла велнӹжӹ вӓрлӓнӓ. Мӹндӹрнӹ агыл Изи Йынгы ӓнгӹр йоген эртӓ. Климӓнсола Картук гӹц ик уштышышты ылеш. Тӹдӹн лӹмжӹм тенге ынгылаш лиэш: «Климӓн» — ти вӓрӹш пӹтӓришӹ ӹлӓш ванжышын лӹмжӹ + «сола». Пӹтӓриш гӓнӓ ти сола гишӓн 1795-шӹ ин ӓшӹндӓрӓлтеш. А 1859-шӹ ин тиштӹ 34 хозяйствышты 168 эдем ӹлен. Климӓнсолашты 1980—2004-шӹ ивлӓн археологвлӓ раскопкым виденӹт. Ти солашты исторический ӓштемик-курган улы. Тӹштӹ первиш шӹгерӹм момы.