Камаканыр
Камаканыр (рушла Камакануры) Когоӓнгӹр (Кого Йынгышкы йоген пыра) туре вӓрлӓнӓ, Йоласал гӹц 3 уштыш. Сола лӹм «Камака» - сек пӹтӓришӹ ти вӓрӹш ӹлӓш толшы эдем лӹм дӓ «ныр» шамаквлӓ гӹц лин.
Истори
[тӧрлӓтӓш | кодым тӧрлӓш]Пӹтӓришӹ гӓнӓ документвлӓштӹ Камаканыр 1859-шӹ ин пӓлемдӓлтеш. Сола халык первишен мӱлӓндӹ пӓшӓм ӹштен, вольыкым урден. 1930-шы ин солашты колхозым ӹштенӹт. Колхоз вуйлатышы И.Г.Вассанов лин. Кого Вырсы фронтышты ти сола гӹц 32 эдем кредӓлӹн, луатвӹзӹтӹнжӹ коленӹт, а луатшӹмӹтӹнжӹ токышты пӧртӹлӹнӹт. Нӹнӹ логӹц капитан Никодим Яковлевич Егоров, рядовойвла Аверьян Ефимович Федоров, Любовь Лукинична Суворова дӓ молат. Камаканыр солашты кымдан пӓлӹмӹ лётчик, подполковник, Совет Союзын Герой Феофан Григорьевич Радугин (1912-1993) шачын.
Ӹлӹзӹ шот
[тӧрлӓтӓш | кодым тӧрлӓш]1897-шӹ и - 24 кудывичӹ ылын (77 пуэргы дӓ 59 ӹдӹрӓмӓш);
1915-шӹ и — 30 кудывичӹ, 162 эдем;
1919-шӹ и - 36 кудывичы, 201 эдем (121 пӱэргӹ дӓ 80 ӹдыӹрӓмӓш);
1925-шӹ и — 171 эдем;
2001-шӹ и - 19 кудывичӹ, 22 эдем (10 пӱэргӹ дӓ 12 ӹдӹрӓмӓш).