Калевипоэг

Ирӹкӓн энциклопеди Википеди гӹц материал
Перейти к навигации Перейти к поиску
Фридрих Рейнхольд Крейцвальд
Калевипоэг кыралеш. Акварель. Артньык Александр Промет


Калевипоэг (Kalevipoeg) – эстон халыкын эпосшы. Тидӹм Фридрих Рейнхольд Крейцвальд халык поэзи негыцеш сирен. Эпосын тӹнг персонажшы – Калев дон Линдан эргӹштӹ, Калевипоэг, кыды халык геройын пӓшӓвлӓжӹм ӹштӓ. Погашыжы эпосым Фридрих Роберт Фельманн тӹнгӓлӹн. Тӹдӹн колымыжы паштек ти пӓшӓм Крейцвальд пакыла нӓнген. Тӹдӹ «Калевалан» немӹцлӓ сирӹмӹ версижӹ доно пӓлӹмӹ ылын. «Калевипоэгӹн» 1853-шы ин сирӹмӹ пӹтӓриш версижӹм цензура гишӓн пецӓтлӓш лиде. Кокшым, кужемдӹмӹм дӓ вашталтымы вариантым лаштыквлӓ доно 1857-1861 ивлӓ лошты лыкмы. Текстӹм иктор- эстонла дӓ немӹцлӓ пумы ылын. «Калевипоэгӹн» кымшы версижӹм Суомиштӹ, Куопио халашты пецӓтлен лыкмы.