Изиксола

Ирӹкӓн энциклопеди Википеди гӹц материал

Изиксола (рушла Изикино) — Когоӓнгӹр (Кого Йынгыш йоген пыра) сирӹштӹ вӓрлӓнӓ. Йоласал гӹц 6 уштыш.

Истори[тӧрлӓтӓш | кодым тӧрлӓш]

Сола лӹм кок шамак гӹц лин: «Изик» - солаш пӹтӓришӹ ӹлӓш толшы мары лӹм дӓ «сола». Архив пумагавлӓштӹ пӹтӓришӹ гӓнӓ Изиксола гишӓн 1859 ин сирӹмӹ ылын.Сола халык первишенок мӱлӓндӹ пӓшӓм ӹштен, вольыкым анжен. 1929-шӹ ин «КИМ» лӹмӓн колхозым ӹштенӹт, 1936-шы ин тӹдӹлӓн «Косарь» лӹмӹм пуэнӹт. Кого Вырсышты ти сола гӹц 38 эдем кредӓлӹн, нӹнӹ логӹц коклынжы коленӹт, луаткӓндӓкшӹнжӹ токышты пӧртӹлӹнӹт. Тидӹ: сержантвлӓ Христофор Иванович Оплев, Парфений Кириллович Овчинников, рядовой Иван Гурьевич Изиков дӓ молат.

Ӹлӹзӹ шот[тӧрлӓтӓш | кодым тӧрлӓш]


1859-шӹ и - 15 кудывичӹ (37 пӱэргӹ дӓ 37 ӹдӹрӓмӓш);
1897-шӹ и - 30 кудывичӹ (98 пӱэргӹ дӓ 97 ӹдӹрӓмӓш);
1915-шӹ и — 39 кудывичӹ дӓ 203 эдем; .
1919-шӹ и — 33 кудывичӹ дӓ 164 эдем (78 пӱэргӹ дӓ 86 ӹдӹрӓмӓш);
1925-шӹ и — 171 эдем;
2001-шӹ и - 25 кудывичӹ, 46 эдем (22 пӱэргӹ дӓ 24 ӹдӹрӓмӓш).