Гавреньӓсир
Гавренихӓ (рушла деревня Гаврениха) ― Изи Йынгы ӓнгӹрӹн вургымла сирӹштӹжӹ вӓрлӓнӓ. Октябрьский гӹц 1 уштыш. Сола лӹм «Гаврень»/»Гавриил» руш пӱэргӹ лӹм гӹц лин.
Истори
[тӧрлӓтӓш | кодым тӧрлӓш]Сола XVII курымын шачын. Сола халык первишен мӱлӓндӹ пӓшӓм ӹштен, вольыкым урден. 1921-шӹ ин Гавренихӓштӹ тӹнгӓлтӹш школ дӓ лыдмы пӧрт пӓшӓм ӹштенӹт. 1922-шы ин мардеж вӓкш ылын. 1930-шы ин солашты «Факел» лӹмӓн колхозым ӹштенӹт. Кого Вырсышты ти сола гӹц 40 эдем кредӓлӹн, нӹнӹ логӹц луатӹднекшӹнжӹ коленӹт, а коклы иктӹнжӹ токышты пӧртӹлӹнӹт. Тидӹ: рядовой Михаил Степанович Васин, сержант Галина Михайловна Громова, рядовой Петр Лукьянович Гурьянов дӓ молат. 1973-1974-шӹ тыменьмӹ ин Гавренихӓ тӹнгӓлтӹш школышты 6 тетя пӓлӹмӓшӹм поген.
Ӹлӹзӹ шот
[тӧрлӓтӓш | кодым тӧрлӓш]1646-шӹ и — 4 кудывичӹ (9 пӱэргӹ);
1717-шӹ и — 5 кудывичӹ (28 пӱэргӹ, 31 ӹдӹрӓмӓш);
1795-шӹ и — 20 кудывичӹ (48 пӱэргӹ, 48 ӹдӹрӓмӓш);
1859-шӹ и — 24 кудывичӹ (58 пӱэргӹ, 75 ӹдӹрӓмӓш);
1897-шӹ и — 24 кудывичӹ (71 пӱэргӹ, 70 ӹдӹрӓмӓш);
1915-шӹ и — 26 кудывичӹ, 151 эдем;
1919-шӹ и — 28 кудывичӹ, 170 эдем (82 пӱэргӹ, 88 ӹдӹрӓмӓш);
1925-шӹ и — 161 эдем;
1929-шӹ и — 40 кудывичӹ, 188 эдем;
2001-шӹ и — 29 кудывичӹ (20 пӧртшӹ охыр), 16 эдем (4 пӱэргӹ, 12 ӹдӹрӓмӓш).