Баобаб

Ирӹкӓн энциклопеди Википеди гӹц материал
Баобаб
Баобаб
Adansonia digitata

Баобаб (латинлӓ Adansonia digitata) — бомбакс йишвлӓн йыхыш пырышы пушӓнгӹ.

Лӹмжӹ[тӧрлӓш | кодым тӧрлӓш]

Ти пушангӹ йыхлан Adansonia лӹмӹм Африкым шӹмлӹшӹ француз ботаник Мишель Адансон (17271806) лӹмеш пумы. «digitata» лӹм 5 - 7 парнян ӹлӹштӓшвлӓн формышты доно кӹлдӓлтӹн .

Биологи характеристикыжы[тӧрлӓш | кодым тӧрлӓш]

Баобаб мулӓндӹ вӹлнӹ сек кӹжгӹ пушӓнгеш шотлалтеш. 9 - 10 м кӹжгӹцаш пушӓнгӹн кытшы лач 18- 25 м якте веле шоэш. Гиннессӹн рекордвлӓн книгӓштӹжӹ 54,5 м кӹжгӹцӓн баобабым сек кӹжгеш шотлат. (1991 и). Телӹм, кынам баобаб ӹлӹштӓшвлӓжӹм вилен шуа, тӹдӹ анешла, рок гӹц пӹлгомышкыла кушшы пушӓнгӹм ӓшӹндӓрӹкта.