Арйынгывуй

Ирӹкӓн энциклопеди Википеди гӹц материал

Арйынгывуй (рушла Сарлайкино) — Изи Йынгы ӓнгӹрӹн шолын лӓкмӹ вӓр лишнӹжы шыпшылт вазын. Сола кок вуян, иктӹжӹ Кӱшӹл Арйынгывуй, весӹжӹ — Ӱл Арйынгывуй маналтеш. Кӱшӹл Арйынгывуйыштыжы кым лык улы: Яшплайсир, Вессир, Кужы Ивансир. Ӱл Арйынгывуйжы Изи Йынгым коктеш шелеш: Эштерексир дон Лапкасиреш. Пӹтӓришӹжӹ ӓнгӹрӹн вургымла сирӹштӹжӹ вӓрлӓнӓа. 2001-шы ин Арйынгывуйышты 207 эдем ӹлен.