Шопен, Фредерик

Ирӹкӓн энциклопеди Википеди гӹц материал
Шопенӹн шачмы пӧртшӹ Желязова Воля солашты.
Шопенӹн фотожы 1849. Фотограф Луи-Аугуст.
Шопенӹн ӓштемикшӹ Варшавышты (скульптор Вацлав Шимановски)

Фредери́к Франсуа Шопе́н (французла: Frédéric François Chopin; шачмыжы годым Фридерик Франци́шек Шопе́н, полякла: Fryderyk Franciszek Szopen; шачын: 22 февраль (кыды информаци семӹньжӹ — 1 март) 1810 и, Желязова Воля сола, Варшава лишнӹ — колен: 17 октябрь 1849, Париж) — поляк композитор, пианист-виртуоз. Шукы фортепиано пӓшӓн авторжы. Музыкын жанрвлӓм у семӹнь кычылтын, романтизм негӹцеш прелюди докы угӹц интересӹм понгыжтарен, фортепианолан балладым шанен лыктын, мазурка, полонез дӓ вальс танцывлӓм поэтизируен дӓ драматизируен, скерцом ӹшке семӹнь ылшы жанрышкы сӓртен. Фортепианы музыкым гармони доно пайдарен, семвлӓшкӹжӹ фантазим пиштен.