Флобер, Гӱстав

Ирӹкӓн энциклопеди Википеди гӹц материал
Gustave Flaubert.jpg

Гӱстав Флобер (Шаблон:Lang-fr; 12 декабрь 1821, Руан8 май 1880, Круассе) — француз романист. «Мадам Бовари» (1856) дон «Саламбо» (1862) романвлӓн авторышты.

Биографижӹ[тӧрлӓш]

Сӓмӹрӹк ивлӓжӹм сирӹзӹ Францин провинци халавлӓштӹжӹ эртӓрен, кыдывлӓ гишӓн ӹшке пӓшӓвлӓштӹжӓт шӹренок сирен. 1840 ин Флобер Парижӹш юриспруденцим тыменяш пырен, 1843 ин тыменяш пырахен. Флобер сӹржӹ (характержы) доно ӹшке кӧргешӹжӹ питӹргӓлтшӹ эдем ылын. Шукы вижӹмок литература пӓшӓш пиштен. «Мадам Бовари» (1856) романым Флобер 1851 ин шӹжӹм сирӓш тӹнгӓлӹн. «Ревӱ де Пари» журналышты пецӓтлӹмӹ лин. Шукыштат агыл моральым ваштылмы гишӓн Флобер дон ти журналын редакторжы судыш пумы линӹт. Роман натурализмын манифестшӹ ылын, тӹштӹ келгӹ скепсис доно тӹ жепӓш ушемкымдем дон эдемӹм анжыктымы. Роман схемыжы донат весӹвлӓ гӹц айыртемалтӹн: тӹдӹ утла кужы экспозициӓн дӓ яжо монгыр гӹц анжыктымы персонаж уке. Лиӓлтмӓшвлӓжӓт кого халашты агыл, а провинци халашты кеӓт. Флоберӹн ти романжы сек пӓлӹмӹ дӓ дискуссивлӓм шачыктышы ылын. Марла ти романым эче сӓрӹмӹ агыл.