Угарман

Ирӹкӓн энциклопеди Википеди гӹц материал
Угарман кремль

Угарман (рушла Нижний Новгород, эрзӓлӓ Орбанош) — хала Руш Эл Федерациштӹ, Угарман областьын тӹнг халажы, Йыл кымдемӹштӹш федерал йырвелӹн центржӹ. 1932 и гӹц 1990 и якте хала «Горький» лӹмӹм намалын. Угарманышты 1 250 615 (2010) эдем ӹлен дӓ ти шот доно тӹдӹ Руш Элӹн вӹзӹмшӹ халажы. Угарман виӓнг экономикан, транспортан дӓ кымдан виӓнгшӹ культура дон шӹнцӹмӓш хала. Ти халашты шукы кырык марын тыменеш дӓ ӹлӓ. Руш историографи семӹнь хала вӓрӹштӹ пӹтӓри рушынвлӓ кӓрмӓнӹм шӹнденӹт, но тӹ годӹмок пӓлӹ, Йыл дон Ока тӹрӹштӹ тӹнӓм кырык марынвлӓн дӓ эрзӓвлӓн тьотявлӓн-тьотявлӓштӹ ӹленӹт.