Сиргек

Ирӹкӓн энциклопеди Википеди гӹц материал
Сиргек (Oenanthe oenanthe)


Сиргек (латинлӓ Oenanthe oenanthe).

Характеристикыжы[тӧрлӓш]

Сиргекӹн кытшы 14,5 — 15,5 см, нелӹцшӹ 22 - 28 г, шылдырын шӓрӓлтӹмӹжӹ 26 - 32 см якте шоэш. Сиргек шӹнгӓвлӓм, шукшвлӓм, йӹлӹм, ӓнгӹремшӹм качкын ӹлӓ. Шӹжӹм кӹцкӹвлӓ дон мӧрӹмӓт качкеш.

Ылӹмӹ вӓрвлӓжӹ[тӧрлӓш]

Сиргек Европа кымдык ӹлӓ. Шӹренжок тӹдӹм кырыквлӓ лошты вӓшлиӓт, тӹ годымок йонган вӓрвлӓмӓт ярата. Тел гачеш Африкыш кеӓ. Ти кекӹм тенгеок Канадышты, Аляскышты, Гренландиштӹ дӓ Сибирьӹштӹ вӓшлиӓт.

Пӹжӓшӹжӹ[тӧрлӓш]

Пыжӓшыжы плошка форманрак, кӱвлӓ лоштыш шелӹквлӓэш оптымы. Пӹжӓшӹштӹ 5 - 6 мыны. Шӹнзӹмӹ жепшӹ - 14 кечӹ нӓрӹ. Коктынат вара игӹвлӓштӹм иквӓреш 15 кечӹ нӓрӹ пукшат.