Миккели

Миккелин Кого церкӹжӹ, 1897-шӹ ин шагалтымы, архитекторжы Йосеф Стенбӓк

Миккелин гербшӹ

Миккелин вӓрлӓнӹмӹжӹ

Миккели — хала Суомиштӹ (финнлӓ: Mikkeli, шведлӓ: Sаnt Michel) — Хроникышты пӹтӓриш гӓнӓ 1323 ин ӓшӹндӓрӓлтеш. Хала статусым 1838-шӹ и годшен намалеш. Халашты 48 697 ӹлӹзӹ дӓ халан территорижӹ 2 124,62 км 2 йӓшнӓ. Халашты 700 йӓр нӓрӹ. Миккелин пашкуды халавлӓ: Хирвенсалми, Юва, Кангасниеми, Пиексамӓки, Пуумала дӓ Рийстина ылыт. Хала Саймаа йӓрӹн сирӹштӹжӹ шыпшылт вазын.

Истори

Ми́ккели швед дӓ революци тӹнгӓлтӹшӹшток руш Санкт-Михель лӹмӹм намалын. Ӹшке важвлӓжӹм 11 курымышкок колта — тӹнӓмок пӓлӹмӹ, кого ӓкӓн ирвел Финляндин торгейӹмӹ центр ылын. Миккели финн гӹц сӓрӹмӹкӹ ( швед лӹм Санкт-Михель) — "Святой Михаилын хала". Миккели 1809 ишӹ руш-швед вырсы дӓ Финляндим Руш государствы докы Кого Финлянди княжество семеш пыртымыкы лин. Император Николай I доно 7-шӹ мартын 1838 ин лин. Стройымаш проектӹм Карл Энгельлӓн пуэнӹт. Хельсинки хала ганьок, архитектор ампир стильым айырен. Кӹзӹтшӹ халашты ӹлӹзӹвлӓ Торгейӹм площадь да губернин вуйлатышы пӧрт доно , кыдым 1843 ин ӹштен пӹтӓрӹмӹ, пиш когон когоэшнӓт. Финляндин историштӹ Миккели кого дӓ керӓл вӓрӹм нӓлеш — 1939-1940 дӓ 1941-1944 ивлӓн вырсы годым тӹштӹ Финлянди вин штаб ылын. Тӹ веремӓвлӓм ӓштӹмӓш музейвлӓштӹ кодын.

Культура ӹлӹмӓш

Миккелиштӹ театр, хала оркестр, Кунст музей ӹштӓт. Кӓнгӹжӹм классик музыкын фестивальым, шӹжӹм Миккельӹн балет айом дӓ телӹм Пӓшӓзӹ халыкын театр кечӹвлӓм эртӓрӓт. Ти театр кечӹвлӓм пӹтариш гӓнӓ 1976-шы ин эртӓрӹмӹ. Халашты вады йӹде ӹштӹшӹ техникум улы, кышты фотографвлӓм йӓмдӹлӓт. Тел Вырсы паштек Совет Ушемлӓн кодымы территоривлӓштӹш церкӹ документвлӓ Миккелин архив-штӹ перегӓлтӹт.

Шӱмбел-тӓнг халавлӓ

• Бекешчаба, Венгри
• Бурос, Швеци
• Вайле, Дани
• Луга, Россий Федераци
• Молде, Норвеги
• Олонец, Россий Федераци
• Санкт-Петербург, Россий Федераци (1996)

Ажедмӓшвлӓ

• http://www.mikkeli.fi/fi/sisalto/index
• http://maps.google.fi/maps?hl=fi&source=hp&q=mikkelin+kaupunki&um=1&ie=UTF-8&hq=&hnear=Mikkeli&gl=fi&ei=6FhTS6PHHYTG_gb-wbCgCg&sa=X&oi=geocode_result&ct=title&resnum=11&ved=0CDAQ8gEwCg
• http://www.museot.fi/nayttelykalenteri/index.php?nayttely_id=4249
• http://www.suunnittelu-delta.fi.client.kotisivut.com/asiakas/teatteri/index.asp
• http://www.travel.mikkeli.fi/ru/
• http://yle.fi/ecepic/archive/00179/mikkelin_teatteri_179398b.jpg
• http://www.demari.fi/content/view/8653/