Меленӓ

Ирӹкӓн энциклопеди Википеди гӹц материал
Французвлӓн виш греп

Меленӓ – лашаш гӹц ӹштӹмӹ качкыш, кыдын негӹцӹштӹжӹ вишкӹдӹ руаш. Ти руашӹм селмаш опталыт да кого температурышты кӱэштӹт. Меленӓ гань качкышым шукы халык пӓлӓ. Лин кердеш, рушынвлӓн «блин» шамакышты этимологижӹ доно мары «меленӓ» доно кӹлдӓлтӹн. Первишӹ руш йӹлмӹштӹ «мелина» шамак ылын, кыды, ӹлен-толын нӹнӹн кӹзӹтшӹ формышкы трансформируялтын. Шамаклан, вес славян йӹлмӹвлӓштӹ меленӓлӓн «блин» шамакым ак кычылтеп. Вес финн-угр йӹлмӹвлӓштӓт ти шамак лач марынвлӓн йӹлмӹштӹ веле улы. Лин кердеш руш йӹлмӹшкӹ ти шамак мерӓ йӹлмӹ гӹц толын.