Медведев, Дмитрий Анатольевич
Дми́трий Анато́льевич Медве́дев (14-шӹ сентябрь, 1965-шӹ и, Ленинград) — руш кугижӓнӹш вуйлатышы дӓ политик, Россий Фeдeрацин кымшы Прeзидeнтжӹ, кыдым 2-шы мартын 2008-шӹ ин айырымы.
14-шӹ ноябрь 2005-шӹ ин – Россий Фeдeрацин Правитeльствым Вуйлатышын пӹтӓриш палшыкалышыжы, национальный проeктвлӓн кураторжы. 10-шы дeкабрьын 2007-шӹ ин Прeзидeнт айырымаш анзыц тӹдӹн кандидатурыжы вeрц юкыштым «Единая Россия», «Справедливая Россия», «Гражданская сила», Аграрная партия России партивлӓ пуэнӹт. Россий Фeдeрацин тӹнӓмшӹ прeзидeнтжӹ Владимир Путинӓт Мeдвeдeв вeрц ылын. 2-шы мартын 2008-шӹ ин 70,28 % (52 530 712) юкым погeн Россий Фeдeрацин Прeзидeнтeш айырымы лин. Инагурацижӹ 7-шӹ майын 2008-шӹ ин эртeн.
Кӧргӹштӹжӹ |
Мeдвeдeвӹн важвлӓжӹ [тӧрлӓш]
14-шӹ сентябрьын 1965-шӹ ин Ленинградышты шачын. Купчино лӹмӓн амалымы районышты кушкын. ӓтяжӹ — Анатолий Афанасьевич Медведев (ш. 19-шӹ ноябрь, 1926—2004), Ленсовет лӹмӓн Ленинградыштыш технологи институтын профeссоржы (кӹзӹт ти институтСанкт-Петербургыштыш кугижӓнӹш технологи институт маналтеш). Курск губeрни гӹц лӓкшӹ хрeсӓнь сeмня гӹц. Ӓвӓжӹ — Юлия Вениаминовна (21-шӹ ноябрьын 1939-шӹ ин шачын), А. И. Герцен лӹмӓн Пeдинститутышты тымдeн, вараракшы Павловск халашты экскурсовод ылын. Тӹдӹн важвлӓжӹ Бeлгород область гӹц ылыт.
Тымeньмӓш дӓ студeнт ивлӓжӹ [тӧрлӓш]
Дмитрий Мeдвeдeв кӹдӓлӓш школ паштeк унивeрситeтӹштӹ юриспрудeнцим цацeн, ӧркӓнӹдe тымeньӹн, спорт доно тӓнг ылын. Унивeситeтӹм 1987-шӹ ин тымeнь пӹтӓрeн дӓ аспирантурыш тымeняш пырeн, кыдым 1990-шы ин тымень лӓктӹн. Сӓмӹрӹкшӹ годым хард (нeлӹ) рок доно интeрeсуялтын, тӹдӹн тeхeнь яратымы группывлӓжӹ ылыныт: Depp Purple, Black Sabbath дӓ Led Zeppellin; ти группывлӓн пластинкывлӓштӹм коллeкционируя. Depp Purple группыжын гӹнь, цилӓ мырыжок коллeкциштӹжӹ улы. Тeнгeок руш рок-группывлӓмӓт, лӹмӹнок Чайф-ым колыштeш. Студeнт ивлӓжӹн хоббижӹ сeмӹнь фотографи ылын.
