Каарина

Ирӹкӓн энциклопеди Википеди гӹц материал
Кааринан гербшӹ
Кааринан вӓрлӓнӹмӹжӹ

Ка́арина (фин. Kaarina швед. S:t Karins) — Вадывел Финлянди губерништӹ Турку хала лишнӹ Лачокла Финлянди провинциштӹш хала. Балти тангыж тӹрӹштӹшӹ паян дӓ пӹсӹн виӓнгшӹ изи хала.

Историжӹ[тӧрлӓш | кодым тӧрлӓш]

Хала паян историӓн ылеш. Хала статусым Каариналан 1869 ин пингӹдемдӹмӹ. 1930-шы ин Каарина халаштышы церкӹн алтарьжым лӹмлӹ финн скульптор дӓ художествын профессор — Вӓйнӧ Аалтонен рисуен. Каарина хала гӹц корны пачылтеш, кыды Парайнен дон Корппоо халавлӓ гач архипелагын ошмаотывлӓжӹ мыч нангеӓ. Ти корнын кужыцшы — 250 уштыш.