Валтари Мика

Ирӹкӓн энциклопеди Википеди гӹц материал
Мика Валтари, ”Синухе” романын авторжы 1935-шӹ ин

Мика Валтари (Mika Waltari, 19.09.1908, Хельсинки – 26.08.1978, Хельсинки) — финн сирӹзӹ. В. цилӓжӹ 100 нӓрӹ махань-шон пӓшӓм сирен: романвлӓм, новеллывлӓм, лыдышвлӓм, ямаквлӓм, драмывлӓм, киносценаривлӓм дӓ ма-шон кӹтӹк пӓшӓвлӓм. ”Тылым намалшывлӓн” сӹлнӹшая группы доно цаткыды кӹлӹм кычен. Мика Валтари сӓмӹрӹк ивлӓжӹн ум кӹчӓлшӹ дӓ протестуйышы сирӹзӹ семӹнь пӓлӹмӹ лин. Пӹтӓриш пӓшӓжӹ ”Мырывлӓ Келтӹмӓшлӓн” (Lauluja Saatanalle, 1926) маналтеш. Валтарин пӓшӓвлӓштӹжӹ Пол Морандын, Эрнест Хемингуэйӹн дӓ Фицджеральдын стильвлӓштӹм цаклаш лиэш. В.-н пӓшӓвлӓжӹм 40 утла йӹлмӹшкӹ сӓрӹм. ӹ Марла лыдшывлӓ ти сирӹзӹн 1944-шӹ ин сирӹмӹ дӓ 2004-шӹ ин кырык марлангдымы ”Синухе” романжым лыдын кердӹт.