Йӓрвенпӓӓ

Йӓрвенпӓӓ (финнлӓ Järvenpää, шведлӓ Träskända) — Уусимаа провинциш пырышы Финляндиштӹшӹ хала. Ӹлӹзӹ шот — 38 тӹжем. Хельсинки якте 37 уштыш. Хала лӹм «йӓр мычаш» манмым анжыкта, малан манаш гӹнь хала Туусуланйӓрви йӓр мычашты вӓрлӓнӓ. 1951 и якте Туусула пашкуды халан чӓстьшӹ ылын. 1967 ин пасна хала лин. Кымдецшӹ 40 км² нӓрӹ.

Йӓрвенпӓӓштӹ 1904 и гӹц 1957 ин колымешкӹжӹ композитор Ян Сибелиус ӹлен. Кӹзӹт тӹдӹн ӹлӹмӹ пӧртшӹ музей ылеш. Тенгеок ти халашты композитор Йонас Кокконен, писатель Юхани Ахо, художник Ээро Ярнефельт ӹленӹт.