Этюксола

Ирӹкӓн энциклопеди Википеди гӹц материал

Вӓрлӓнӹмӓш, ӹлӹзӹ шот[тӧрлӓтӓш | кодым тӧрлӓш]

Этюксола Тьомисола ваштареш, Пӹзӹкныр центр гӹц 4 уштыш ӧрдӹжӹштӹ вӓрлӓнӓ. Солан лӹмжӹ пӹтӓриш гӓнӓ суртым чангышы мары лӹм доно кӹлдӓлтӹн.

Историжӹ[тӧрлӓтӓш | кодым тӧрлӓш]

Пӹтӓриш гӓнӓ сола 1795 иштӹшӹ документӹштӹ пӓлемдӓлтеш, тӹнӓм 16 сурт лин дӓ Кобяшевский сотньышты отлалтын. 1859 ин солашты 19 сурт, 102 эдем ӹленӹт. 1898 ин – 18 сурт, 92 эдем; 1925 ин – 104 эдем; 1929 ин – 22 сурт, 108 эдем; 1940 ин – 20 сурт, 94 эдем; 2001 ин – 14 сурт, 21 эдем. Этюксола анзыцок Кузнецово приходыш пырен, 1888 ин – с. Йӹлъялӹш. XIX-XX курымвлӓштӹ сола Козьмодемьянск уездын Паратмар, Кожваж-Сигачин, Виловатовраж волостьвлӓш пырен. 1921 и гӹц Козьмодемьянск кантонын Малосундырский районышты шотлалтын. 1931 и гӹц Малосундырь, а вара Кузнецовы сельсоветыш пыра.


Экономика[тӧрлӓтӓш | кодым тӧрлӓш]

1930 ин сола «Пеледӹш» лӹмӓн колхозым чанген. Вара СПК Кузнецовыш пыраш тӹнгӓлӹн. Сола ӹлӹшӹвлӓ мӱлӓндӹ доно пӓшӓм ӹштенӹт, колым кыченӹт, пушӓнгӹр роаш каштыныт, тенгеок кӹрпӹц ӹштӹмӹ пӓшӓмӓт виктӓрен шалгенӹт. Солашты пожарный сарай вӓрлӓнен, выжалымы лавкы, вуйлатен тӹдӹм Иван Максимов,и мычкы 300 утла окса лӓктӹшӹм ӹштен шалген. Войнаш сола гӹц 23 эдем кен, 13 коленӹт, 10 мӹнгеш пӧртӹлӹнӹт. Нӹнӹ лошты Анатолий Иванович Якимов, Гурий Евгеньевич Шестаков, Василий Иванович Брянцев дӓ молат.

Культура[тӧрлӓтӓш | кодым тӧрлӓш]

1913 и солашты Этюк начальный училищы пачылтын. Тымдышыжы Александра Егоровна Игнатьева лин. Пӓлӹмӹ эдемвлӓ лошты техень фамиоивлӓм келесӹмӹ шон: тымдышывлӓ Садковвлӓ, инженер Асаповлӓ дӓ молат.

Транспорт[тӧрлӓтӓш | кодым тӧрлӓш]

Автобус линивлӓ: Цикмӓ – Йӹлйӓл.