Мӓмӹке

Ирӹкӓн энциклопеди Википеди гӹц материал
Перейти к навигации Перейти к поиску

Мӓмӹке (рушла деревня Мямикеево) Изи Йынгы вургымла монгырышты вӓрлӓнӓ. Картук якте 1 уштыш. Сола лишнӹ техень карем дон лидӹвлӓ улы: Еропи карем, Кӹне карем, Кужылидӹ карем, Тореш карем. Сола лӹм ти вӓрӹш пӹтӓришӹ ӹлӓш толшы мары лӹм (Мӓмӹк) гӹц лин.

Истори[тӧрлӓш | вики-текстым тӧрлаташ]

Пӹтӓришӹ гӓнӓ сола гишӓн 1795-шӹ ин сирен кодымы ылын. Сола халык первишен мӱлӓндӹ пӓшӓм ӹштен, вольыкым урден. 1898-шӹ ин солашты кӹрпӹц часовня ылын. 1931-шӹ ин сола халык ОГПУ лӹмӓн колхозым ӹштен. Тӹдӹн пӹтӓришӹ вуйлатышыжы Константин Егорович Ефремов ылын. Кого Вырсы фронтышты сола гӹц 19 эдем кредӓлӹн, нӹнӹ логӹц 10 эдем колен, а ӹндекшӹнжӹ токышты пӧртӹлӹнӹт. Тидӹ: рядовойвлӓ Фока Алексеевич Балдаев, Иван Егорович Долгов, сержант Поликарп Алексеевич Мямикеев дӓ молат.

Ӹлӹзӹ шот[тӧрлӓш | вики-текстым тӧрлаташ]

1795-шӹ и — 9 кудывичӹ;
1859-шӹ и — 6 кудывичӹ (22 пӱэргӹ, 18 ӹдӹрӓмӓш);
1897-шӹ и — 12 кудывичӹ (20 пӱэргӹ, 16 ӹдӹрӓмӓш);
1923-шӹ и — 19 кудывичӹ, 102 эдем;
1929-шӹ и — 20 кудывичӹ, 103 эдем (53 пӱэргӹ, 50 ӹдӹрӓмӓш);
2001-шӹ и — 20 кудывичӹ, 59 эдем (27 пӱэргӹ, 32 ӹдӹрӓмӓш).