Эйно Лейно

Ирӹкӓн энциклопеди Википеди гӹц материал
Эйно Лейнон фотожы. Тиштӹ 33 иӓш ылеш


Э́йно Ле́йно (Шаблон:Lang-fi, лачокла лӹмжӹ А́рмас Э́йнар Леопо́льд Лӧннбо́м Шаблон:Lang-sv; 6 июль 1878, (Палтамо (Paltamo), Суоми10 январь 1926, Туусула, Суоми) — финн поэт, прозаик, драматург дӓ сӓрӹзӹ, финн литература йӹлмӹ доно экспериментвлӓм ӹштӹлшӹ. Тӹдӹм тенгеок финн халык поэтеш шотлат. Эйно Лейно лыдышвлӓштӹжӹ "Калевалан" ритмжым кычылтын дӓ тӹ годымок финн поэзим уэмдӓш цацен, тидӹм ӹштӓш манын вес йӹлмӹвлӓ гӹц сӓрен. Шамаклан Дантен Йымы кукшӹцӓш комедижӹм. Эйно Лейно тенгеок романвлӓмӓт сирен дӓ ӹшке жепӹнжӹ халыкланжы анзыкыла ажедшӹ журналист ылын.