Йоласал
Йоласал (рушла Еласы) сола — Кого Йынгы ӓнгӹр лишнӹ вӓрлӓнӓ, Цикмӓ гӹц Йоласал якте 25 уштыш нӓрӹ. Сола гишӓн пӹтӓриш гӓнӓ архив документвлӓштӹ «Йолас / Элас сола» семӹнь 1702-шы ин пӓлдӹртӹмӹ ылын. (+++) 16-18-шӹ курымвлӓн ти первишӹ мары сола Акпарс лужавуйын тӹнг ӓсӹкшӹ ылын, кыды «Кого Йыл Шудермар» сола-обшинӓ маналтын. 1795-шӹ ин 25 ӹлем (кудвичӹ) ылын. 1859-шӹ ин 43 ӹлем ылын (120 пӱэргӹ дӓ 125 ӹдӹрӓмӓш). 2001-шӹ ин 227 кудвичӹм шотлымы (220 пӱэргӹ дӓ 335 ӹдӹрӓмӓш).
1827-шӹ ин церкӹм Тошты Цермышал гӹц Йоласалыш ваштымыкы, ти сола церкӹ кымдемӹн центржӹ лин.
Истори[тӧрлӓтӓш | кодым тӧрлӓш]
Кыце йоласалвлӓ 1905-06-шы ивлӓн ӹленӹт, Ӱрйӧ Вихманнын корныштыш сирмӓшвлӓжӹ гӹц пӓлен нӓлӹна. Тидӹм 2007-шӹ ин лӓкшӹ Цикмӓштӹ лыдаш лиэш.
Экономика[тӧрлӓтӓш | кодым тӧрлӓш]
Йоласалышты икманяр лапка улы. Махань фирмывлӓ улы?
Культура[тӧрлӓтӓш | кодым тӧрлӓш]
Йоласалышты Культура пӧрт пӓшӓм ӹштӓ. Йоласал школ сагашы ылшы Фаина Эшмякован Шыжарвлӓ кӓрш ансамбльым Мары Эл, Россий дӓ Европыштат пӓлӓт.
Йоласал гишӓн сӹлнӹшаяшты[тӧрлӓтӓш | кодым тӧрлӓш]
Йоласал гишӓн шукы мары сирӹзӹ сирен. Нӹнӹ логӹц Геннадий Матюковски дон Николай Егоровым пӓлдӹрташ лиэш. Йоласалышты шачшы поэт В.Кокэн туан солажын пӧртӱ гишӓн шукы лыдышым сирен.
Транспорт[тӧрлӓтӓш | кодым тӧрлӓш]
Автобусвлӓ:
- Цикмӓ - Йынгы Кушыргы 7.50, 15.10
- Йынгы Кушыргы - Цикмӓ 8.50, 16.20
- Цикмӓ - Макарсир (Йоласал гач) 6.10, 7.15, 16.20
- Цикмӓ - Пистерлӓ 10.45 (4,5,7)
- Пистерлӓ - Цикмӓ 11.45 (4,5,7)
- Цикмӓ - Санук 4.40 (кукшыгечӹ дон рушарня гӹц пасна), 5.30, 9.00, 11.40, 16.35, 17.50
- Санук - Цикмӓ 6.10 (кукшыгечӹ дон рушарня гӹц пасна), 6.50, 10.20, 13.00, 17.55, 19.10