Изи Нужанал

Ирӹкӓн энциклопеди Википеди гӹц материал

Изи Нужанал (рушла Чермышево Второе) — Кого Йынгы вургымла сирӹштӹ вӓрлӓнӓ. Йоласал якте 3 уштыш нӓрӹ лиэш. Нужанал дон Изи Нужанал солавлӓм карем айыра. Сола лӹм «Нужа ӓнгӹр сагашы изи сола» манмым анжыкта. Солам вес семӹнь эче Изисир маныт. XVIII-XX курым тӹнгӓлтӹшӹштӹ сола тенгеок «Заовражные Нуженалы» дӓ «околодок Нуженалы» маналтын.

Истори[тӧрлӓтӓш | кодым тӧрлӓш]

Сола халык первишен мӱлӓндӹ пӓшӓм ӹштен, вольыкым урден. 1921-шӹ ин солашты лыдмы пӧрт пӓшӓлен. 1929-шӹ ин Изи Нужаналышты «Плуг» лӹмӓн колхозым ӹштӹмӹ. Тӹдӹн пӹтӓришӹ вуйлатышыжы Н.Е. Шингарёв лин. Кого Вырсы фронтышты Изи Нужанал гӹц 34 эдем кредӓлӹн, коклынжы коленӹт, луатнӹлӹтӹнжӹ пӧртӹлӹнӹт. Нӹнӹ логӹц ст. сержант Мефодий Алексеевия Ермолаев, рядовой Григорий Филиппович Коротков, ст. матрос Моисей Пантелеймонович Никитин дӓ молат.

Ӹлӹзӹ шот[тӧрлӓтӓш | кодым тӧрлӓш]

1795-шӹ и - 19 кудывичӹ;
1897-шӹ и - 31 кудывичӹ (80 пӱэргӹ дӓ 78 ӹдӹрӓмӓш);
1915-шӹ и — 36 кудывичӹ, 198 эдем;
1921-шӹ и - 34 кудывичӹ, 163 эдем (69 пӱэргӹ дӓ 94 ӹдӹрӓмӓш);
1925-шӹ и — 156 эдем;
1934-шӹ и - 25 кудывичӹ, 93 эдем (30 пӱэргӹ дӓ 63 ӹдӹрӓмӓш);
2001-шӹ и - 38 кудывичӹ, 92 эдем (44 пӱэргӹ дӓ 48 ӹдӹрӓмӓш).