Алманов Николай Петрович

Ирӹкӓн энциклопеди Википеди гӹц материал
Алманов Николай Петрович
Шочын 1953 ин 4 майын(1953-05-04) (70 и)
Шочмо вер

Шаблон:Сортировка: по странамШаблон:Сортировка: по типам

Николай Петрович Алманов - художник-оформитель, реставратор ылеш. Тӹдӹ 4 майын 1953 ин Шайыл Пӧртныр солаэш шачын. Пӧртныр кӹдӓлӓш школым тымень пӹтӓрӹмӹкӹжӹ, ӹшке колхозышты пӓшӓм ӹштӓ. 1980-1983 ивлӓн Йошкар-Олашты художественный училищышты художник-оформителеш тыменеш. Пӹтарӹмӹкӹ, "Волга", "МАССР-лан 60 и" совхозвлӓштӹ оформитель семӹнь пӓшӓм ӹштӓ.Н.П.Алманов мастар художник ылмыжым 1990-шы ивлӓн пӓлдӹртен. Тӹнӓм тӹдӹ картинвлам рисуяш тӹнгӓлӹн дӓ тишты кого мастарлыкыш шон.Тӹдӹн творчествыштыжы кого вӓрӹм сола ӹлӹмӓш нӓлеш. Ӹшке картинвлӓжӹ гач туан Кырык сирӹн сӹлнӹжӹм дӓ цевержӹм, тӹдӹн шытыржым дӓ тыргыжшым мыштен анжыкта.Тӹшток сӹлнӹ пейзаж, сола пӓшӓ, сола айовлӓ кайыт. Художникӹн кӧргӹ вижы паян, йӹр ылшы ӹлӹмӓшӹш ӹшке семӹньжӹ анжа. Пӓшӓвлӓжӹн сӹржӓт да темыжат эдемвлӓлӓн шӱм семеш ылеш. Шӹренок кырык мары нӓрӓтӓн эдемвлӓм анжыкта. Художник остатка ивлӓн церкӹ живопись докы шӱмӓнгӹн. Ӧрдӹж вӓрвлӓштӹ церкӹвлӓн иконвлӓм дӓ коргӹ стенавлӓм реставрируяш палша.Николай Петровичын картинвлӓжӹ мӓмнӓн велӹштӹ веле агыл, вес кого халавлӓштӓт эртӓрӓлтшӹ выствкывлӓшты анжыкталтыт. Соуми мӱлӓндӹштат тӹдӹн пӓшӓвлӓжӹм ужыныт.