Айги, Геннадий Николаевич

Ирӹкӓн энциклопеди Википеди гӹц материал

Генна́дий Никола́евич Айги́ (лачокла фамилижӹ — Ли́син; (суасламарла Геннадий Николаевич Айхи (Лисин); 21 август 1934, Шаймурзино, Батыр район, Суасламары Республика — 21 февраль 2006, Москва) — суасламары поэт.

1960-70-шы ивлӓн совет сӓндӓлӹкӹштӹш авангард кунстын лидервлӓ логӹц иктӹжӹ. Суасламары поэзиштӹ сӱрреализмлӓн негӹцӹм пиштӹшӹ. Тӱнымбалны суасламары поэзим шӓрӹмӓштӹ пиш кого п-ашӓм ӹштен. Андрей Белый премин (1987), Пастернак премин (2000, пӹтӓриш лауреатшы), Франци Академи премин (1972), Петрарка лӹмӓн премин лауреатвлӓжӹ.

Биографижӹ[тӧрлӓш]

Шаймурза суасламары солашты шачын. Изи годшенжок лыдышвлӓм туан йӹлмӹлӓжӹ сирен. 1953-шы ин Литература институтыш тыменяш пырен. тӹнӓм алык мары поэт Валентин Колумб доно пӓлӹмӹ линӹт. Поэт Борис Пастернак доно лишӹл кӹлвлӓм кычымыжы дӓ «соцреализмӹн негӹцвлӓжӹм пыдыртымы дӓ тышман шӱлӹшӓн книгӓм лыкмыжы» гишӓн Айгим институт гӹц лыктын колтат. Тӹ годымок, Пастернакын шаяжы паштек, Айги лыдышвлӓжӹм рушла сирӓш тӹнгӓлеш, но тӹ годымок туан йӹлмӹшкӹжӹ пиш ӓкӓн «Францин поэтвлӓжӹ», «Венгрин поэтвлӓжӹ», «Польшын поэтвлӓжӹ» пиш ӓкӓн антологивлӓм сӓрен дӓ пецӓтлен лыктын. Суасламары поэзим вес сӓндӓлӹквлӓштӹ пропагандируйымы рольжы Айгин пиш кого. Вес йӹлмӹвлӓшкӹ Айгин пӓшӓвлӓжӹм 1960-шы ивлӓ годшен сӓренӹт дӓ тенге суасламары халык дӓ тӹдӹн поэзижӹ гишӓн вес сӓндӓлӹквлӓштӓт пӓленӹт.